Ntsiab lus tseem ceeb:
- Yog tias koj ho ntsib Australia tej tsiaj qus uas raug mob los yog mob, ces xav kom nrhiav kev pab cuam ntawm tej neeg paub pab cawm tej tsiaj no ntawm koj tej zos.
- Thaum uas pab tej tsiaj qus uas raug mob los yog mob no, ua tib zoo xyuas kom tau txais kev nyab xeb rau koj tus kheej thiab rau tus tsiaj ntawd.
- Tej kws kho tshiaj mam txheeb thiab kho tej tsiaj raug mob los yog muaj mob no, thiab tej neeg tu tej tsiaj no mam pab tus txuas ntxiv los yog pab kom tej tsiaj no zoo.
Australia yog ib lub teb chaws hauv ntiaj teb uas muaj ntau yam tshiaj thiab muaj tej tsiaj uas ntxim hlub heev li tej kangaroos, wallabies, wombats, mab, qav, noog, nag thiab tej tsiaj nruab deg.
Tsuas nyob ntawm seb koj nyob qhov twg ntawm Australia xwb, yeej muaj tej tsiaj nruab nrag (tsiaj qus) ntau yam sib txawv. Tab sis kuj tsis muaj hmoo, uas muaj qee zaus tej tsheb, tej hauv paus txhim kho los yog tej xwm txheej ntuj tsim kev puas tsuaj li hav zoov kub hnyiab thiab dej nyab tseem ua rau tej tsiaj raug mob los yog muaj mob thiab.
Yog tias koj ho pom tej tsiaj raug mob los yog muaj mob ces yog tej yam tseem ceeb uas koj paub tias yuav ua tib zoo kom pab tau tus tshiaj no yam tau txais kev nyab xeeb thiab paub tias yuav nrhiav kev pab cuam ntawm tej kws qhov twg, kom thiaj muaj cib fim zoo tshaj plaws kho tus tshaj ntawd, pab kom nws zoo thiab yog zoo tiag ces muab tso rov qab rau tej hav zoov.
Wael laef veterinarian Dr Tania Bishop - WIRES.jpg
Thaum tsav tsheb ntawm Australia, ces kuj tsis yog tej yam dab tsi txawv uas yus yeej pom tej tsiaj qus hais tsi ntsees rau ntawm tej chaw yaj sab thaum sawv ntxov los yog tsaus ntuj uas yog lub caij uas tej tsiaj no pheej txav ntawm ib qho chaw rau lwm qhov chaw ntau dua.Tania Bishop
Dr Bishop hais tias "Yog tias koj ho mus pw hav zoov los yog mus ncig xyuas ib qho chaw twg ces tej zaum koj yeej yuav pom tej tsiaj qus, thiab yog koj mus ntsiag to thiab tsis txhob phov npaum li cas ces tej zaum haj yam yuav ua rau koj pom tej tsiaj qus npaum li ntawd xwb."
Stradbroke Island in Queensland, Australia Source: iStockphoto / Kevin LEBRE/Getty Images/iStockphoto
Yog tias koj pom tej tsiaj qus raug mob los yog mob, ces thov kev pab cuam ntawm tej kws.
Kuj yog tej yam txaus ntshai thiab yog tias koj ntsib tej tsiaj raug mob los yog muaj mob, hais tsi ntsees rau tej tsiaj loj li kangaroos, wombats los yog koalas. Dr Bishop thiaj xav kom nrhiav kev pab cuam ntawm tej kws kho thiab tu saib xyuas tej tsiaj kom sai npaum li sai tau.
“Tsis hais yog tej kws kho tsiaj ntawm zos, nom tswv zos tej neeg tswj tej tsiaj txhu, los yog hu rau tus xov tooj pab tu thiab saib xyuas tej tsiaj txhu li wildlife care helpline los yog siv tej mobile phone apps uas koj muaj peev xwm sib cuag tau tau nrog tej koom haum pab cawm tej tsiaj qus kom tau txais kev pab cuam rau tus tsiaj ntawd. Thiab yeej muaj tej koom haum pab cawm thiab pab tu saib xyuas tej tsiaj txhu ntawm txhua lub xeev ntawm Australia, thiab koj yeej muaj peev xwm txheeb tau cov kev pab tus tej tsiaj qus raws li qhov tsim nyog hauv online ntawm thaj chaw uas koj nyob ntawd."
Ua ke no los kuj tseem ceeb heev thiab uas koj yuav tau ua zoo xyuas kom tau txais kev nyab xeeb rau koj thiab lwm tus ua ntej tshaj plaws thiab.
Dr Bishop hais tias “Hais tsi ntsees yog tias koj ntsib tus tsiaj qus ntawd rau ntawm ib sab ntug kev, ces yog tej yam tseem ceeb uas yuav tsum tau ua tib zoo xyuas kom koj nres tau koj lub tsheb rau ntawm ib qho chaw cuab tha uas lwm tus pom koj yooj yim thiab tau txais kev nyab xeeb. Nco ntsoov tias tej tsiaj qus uas raug mob ntawd ntshai heev thiab lawv yuav nyaum heev thaum lawv raug mob."
Ib tug kagaroo nas (bettong) uas raug muab xismaas cam thiab muab ntaub qhwv txhais ceg uas dam - WIRES.jpg
Thiaj yog tej yam tseem ceeb uas ua ntsib to thiab maj mam mus pab tej tsiaj qus ntawd npaum li qhov ua tau kom tsis txhob uas rau lawv ntshai. Thiab yog tias muaj peev xwm ua tau ces muab ib daim pam los yog ib txoj phuam da dej coj los qhwv kom tsis txhob kub lawv los yog pab kom lawv ua tau pa, ces hu thov kev pab cuam kom sai npaum li sai tau.Tania Bishop
Yog tias koj ho ntsib ib tug tsiaj yug me nyuam pub mis uas me nyuam nyob ntawm ib lub hnab ntim ntawm xub ntiag li kangaroos, wallabies, wombats los yog possums, ces Dr Bishop hais tias yog tej yam tseem ceeb uas xav kom koj txheeb tias puas muaj tej me nyuam hauv lub hnab ntawd, yog tias koj muaj peev xwm ua tau.
“Thiab tsuas tshem tus me nyuam tsiaj ntawd tawm hauv lub hnab ntawd yog tias tseem muaj plaub. Thiab txawm tias nws tsis muaj plaub lawm los tej kws paub tus tej tsiaj qus yeej muaj peev xwm tshem tawm tau thiab vim tej zaum tej me nyuam ntawd lub qhov ncauj tseem tom niam lub mis, ces yog yus muab tshem ces tej zaum kuj yuav ua rau tus me nyuam ntawd raug mob tau thiab. Thiaj tseem ceeb uas yuav tau muab tus me nyuam tsiaj ntawd tso rau ib who chaw tsaus uas sov thiab coj mus rau ib tug neeg tu tsiaj tu thiab saib xyuas kom sai li sai tau, vim yeej muaj teeb meem loj heev rau tej me nyuam tsiaj no vim lawv ntiam tuag lawm, ces tej zaum kuj yuav ua rau lawv tuag tau yooj yim thiab yog tseem muaj lwm yam teeb meem rau lawv ntxiv thiab."
Npaj tej yam twj yooj yim uas yuav pab cawm tau tej tsiaj qus hauv cia rau hauv koj lub tsheb
Dr Bishop hais tias tej khoom qee yam uas ib txwm siv hauv tsev yeej yog tej yam uas muaj peev xwm siv coj los pab cawm tau tej tsiaj qus thiab.
“Piv txwv li tej zaum ib daim phuam da dej qub uas tuab thiab tseem zoo siv tsis khuam tus tsiaj ntawd tej rau tes rau taw, los yog ib lub thawv ntawv ntim ib tug tsiaj los sis yog tej hnab looj tes uas siv ua vaj zaug, los sis tej hnab ntim tog hauv ncoo kuj yog tej yam uas muaj peev xwm siv tau coj los pab tej me nyuam kangaroos thiab."
Tej kws kho tsiaj yuav tau txheeb tus tsiaj raug mob kom sai npaum li sai tau yog tias ua tau tiag. Txawm li cas los yog raws cai tiag lawm ces yuav tsum yog tej neeg muaj ntaub ntawv raug cai los tu thiab saib xyuas tej tsiaj los yog tej kws kho tsiaj yuav tsum tau los tu thiab saib xyuas Australia tej tsiaj qus raws li qhov tsim nyog vim tej tsiaj no yeej tau ntau yam kev pab cuam sib chab sib chaws heev thiab.
Ib tug me nyuam wallaby raug hno tshuaj tsaug zog ntawm ib lub tsev kho mob tsiaj qusvim lws txhais ceg dam - WIRES.jpg
Morgan Philpott ces yog ib tug neeg tu thiab saib xyuas tej tsiaj qus uas raug mob los yog muaj mob los tau ntev tshaj 10 xyoo lawm.
Mr Philpott hais tias “Thaum peb tej neeg tu tsiaj tau txais ib tsab xo qhia peb hauv xov tooj tias kom mus pab cawm ib tug tsiaj twg lawm. Ces peb yeej ib txwm hu xov tooj rau tus neeg hu peb ntawd thiab mam nug kom tau tej xov xwm kom ntxaws txog tus tsiaj ntawd, ces mam lis tej hauj lwm ntawd txuas ntxiv. Thiab yeej tsim nyog yuav tau coj tej tsiaj no mus ntsib tej kws kho tsiaj txheeb xyuas kom sai thiab."
