Tsoom fwv Ablanese tsis muaj peev xwm yauv tsim tau nws tsab cai Housing bills tom qab tsis tau txais kev txhawb nqa ntawm pab nom Greens thiab Coalition.
Penny Wong thiab Albanese thiaj liam lwm pab nom tias vim lawv tsis txhawb nqa thiaj ua tsis tau tsab cai no, tab sis Liberal party hais tias tsoom fwv tsis muaj tswv yim ces thiaj ua rau nws tsim tsis tau tsab cai no xwb, hos pab nom Greens hais tias nws tsis kam sib khom, thiab tsis kam teev tej nqe ntiav tsev los yog tsis txhob pub sau nqe ntiav tsev kim thiab tsis txhob siv negative gearing los yog tsis txhob txo se rau tej wealthy property investors. Tig rov qab los tsim kom tau tsev ntau li tsoom fwv ib txwm tsim rau zej tsoom nyob.
Tsoom fwv tsab cai no muaj hom phiaj xav los pab 40,000 tus neeg yuav tsev uas yuav pab nyiaj txog 40 feem pua ntawm tus nqe tsev tshiab mus yuav tsev, thiab pab txog 30 feem pua ntawm tus nqe tsev qub mus yuav ob hom tsev tshiab thiab tsev qub rau tej neeg nyob. Ntxiav ntawd los yuav xyuas kom tej vaj tse tsim tau tshiab yam tsawg li 10 feem pua yog tej vaj tse pheej yig uas tej neeg yuav tau nyob thiab ntiav tau nyob, thiab xav kom tej nqe tsev no pheej yig dua tej nqe tsev ntawm tej kiab khw lagluam muag vaj tse txog li 25 feem pua.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
