Jannah Dryden qhia txog nws zaj dab neeg ua yeeb yam lom zem uas xav tau ib tug txiv neej Hmoob koom ua tus tuam neeg ua yeeb yam tseem ceeb tias vim li cas.
Ms Jannah Dryden uas yog tus sau 8 toom yeeb yam lom zem tau qhia rau SBS Radio Hmong program tias, tos nws xaiv ib tug txiv neej Hmoob ntawm far-north Queensland los ua tus neeg ua yeeb yam tseem ceeb los vim yog tej yam nws xav ua kom tau, vim nws tau loj hlob thiab kawm ntawv nrog Hmoob thiab muaj tej neeg zejzog Hmoob nyob coob. Yog li ntawd nws thiaj xav kom tus tuam neeg ua yeeb yam no yog ib tug txiv neej Hmoob. Tab sis nws kuj muaj ntau yam neeg sib txawv li tej neeg downsyndrome thiab tej neeg transgender los koom thiab.
Ntxiv ntawd los nws kuj tau hais tias ''tsis muaj ib tug Hmoob ua yeeb yam li thiab nrhiav nyuaj tshaj plaws li."
Nws cov yeeb yam lom zem no yog qhia txog ib tug txiv neej ua hauj lwm tam li software engineer uas paub cov fintech zoo, tab sis tej tuam txhab nws ua hauj lwm rau hais kom nws ntxias dag neeg ntawm Australia no kom nws thiab nws poj niam raug txim thiab nkawv tus me nyuam poob rau nom tswv tes. Yog li ntawd nws thiaj muaj lub hom phiaj yuav los kho nws lub koob npe thiab tawm tsam nrog lub tuam txhab uas pheej ntxias dag neeg ntawm teb chaws Australia no.
Nws thiaj xav txhawb nqa kom Hmoob ''npaj, xyaum, thiab kawm kom paub ua yeeb yam es txog caij thiaj nrhiav tau tej neeg Hmoob uas muaj peev xwm koom ua tau tej yeeb yam no. Vim tsis muaj ib tug Hmoob ua tej no li.''
LISTEN TO
FNQ comedy series
SBS Hmong
09/08/202315:18
rau hnub zwj Teeb (Thursday) 6 pm AEDT thiab hnub zwj Hnub (Sunday) 11 am AEDT los yog koom tau ntxiv ntawm ,, thiab los yog download thiab kom koj thiaj mloog tau xov tooj cua SBS Radio Hmong progam.
