Professor Paul Griffin uas yog ib tug kws paub zoo txog kab mob sib kis thiab yog ib tug clinical microbiologist tau nqua hu kom tsoom fwv Australia tsim kom tau ib lub koom haum tiv thaiv thiab tswj kab mob kom ruaj thiab nrog xyuas kom muaj cov kev sib txuas lus zoo tshaj qub ntxiv, xyuas kom ua tau tej hauj lwm tswj kab mob zoo thoob teb chaws Australia.
Professor Griffin hais tias qhov tsoom fwv tsim nyog kho kom siv tau zoo tshaj qub ntxiv ces yog xyuas kom xa tau tej xo ceeb toom txog kab mob mus kom txog rau zej tsoom sawv daws hais tsi ntsees rau tej neeg zejzog coj ntseeg kab lis kev cai sib txawv ntau yam thiab muaj tej xov xwm no qhia rau txhua tus neeg Australia.
Professor Terry Slevin uas yog tus coj lub koom haum Public Health Association of Australia tau 30 xyoo thiab yeej zoo siab rau tsoom fwv Albanese cov kev coj lus tias yuav tsim kom tau lub chaw tswj kab mob Australia Centre for Disease Control tab sis nws xav kom tsim tau lub koom haum no ruaj kiag coj los siv, tshwm nyiaj kom ntau ntxiv pab, thiab kub siab los tiv thaiv tsis yog pheej cia twb kis mob lawm mam li kho xwb.
Peter Breadon uas yog tus program director uas paub zoo txog tsej tsoom tej cai ntawm lub chaw teeb txheeb Grattan Institute hasi tias tsoom fwv yeej tsim tau ib cov hauj lwm pab kom ib txhia neeg uas tsis tshua ntseeg siab rau cov kev kho mob muaj kev ntseeg siab zoo tuaj ntxiv tab sis kuj tau muab tej hauj lwm ua tau zoo no tso tseg lawm thiab.
Breadon tseem hais ntxiv tias tsoom fwv tsuas kub siab tiv thaiv tej kab mob no xwb tab sis tsis tshua kub siab los daws tej teeb meem muaj ntev los ntawm tej kab mob rau neeg Australia.
Professor Terry Slevin thiaj hais tias kom tsoom fwv Albanese ua kom tau raws li nws tej lus tau cog tseg kom tej kws paub zoo txog tej hauj lwm no thiaj muaj peev xwm pib los npaj tsim tej program uas yuav pab cawm tau tej neeg txoj sia rau tej xwm txheej kab mob uas tej zaum yuav muaj sib kis txuas ntxiv rau tom ntej no.
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download thiab kom koj mloog tau SBS Hmong.
