Xeev Australian Capital Territory pib siv tsab cai 2022 National Construction Code tshiab lawm, txhais tau tias tej tsev tam sim no los yog tej yuav ua tshiab ntxiv yuav tsum yog cov tsev uas thaum huab cua kub sov tsev tsis sov heev thiab thaum caij ntuj no tsev tsis no heev lawm. Ces tej zaum thiaj yuav xav tim kom tau tej vaj tse uas tau 7 lub hnub qub los siv.
Marcus White uas yog ib tug kws tsim qauv tsim vaj tse ntawm tej nroog thiaj hais tias 'peb yuav tsum tau tsis txhob tsim tej vaj tse rau tej chaw uas pheej raug dej nyab thiab tsim kom tau tej vaj tse ntau tuaj ntxiv rau tej neeg nyob rau ntawm tej zos qub kom ntau tuaj ntxiv.'
Ua ke no los limtiam no tsoom fwv teb chaws Australia (Tsoom fwv Albanese thiab tsoom fwv xeev New South Wales) kuj tau qhia tias yuav siv nyiaj ntau tshaj $200 million los kho ntau caum xeeb lub social housing thiab community housing kom txuag tau nqe hluav taws xob thiab kom tsis txhob no no heev los yog tsis txhob sov sov heev rau lub caij ntuj so thiab lub caij ntuj no. Tej nyiaj no ces yuav muab coj mus nruab tej kiv cua, nruab airconditioner los yog lwm yam rau tej vaj tse no.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
