Tom qab uas Senator Fatima Payman ntawm pab nom ntawm xeev Western Australia (WA) tau tawm tsis ua no rau pab nom Labor lawm ces nws kuj tau los npaj, sab laj teeb tsa pab nom Australia's Voice.
Senator Payman hais tias lub hom phiaj ntawm pab nom no ''yog sawv cev rau tej neeg uas tsoom fwv tsis kub siab txog, tsis muaj suab sawv cev rau lawv thiab xav kom muaj kev pauv hloov tiag.''
Thiab thaum raug tej neeg nthuav xov xwm tau nug txog nws pab nom tshiab no tej cai ces nws tau teb tias ''Kuv tseem tsis tau npaj cai dab tsi tab sis kuv yeej tau tham txog ntau yam dhau los txij li thaum kuv tau los ua ib tug nom ywj pheej lawm, tsis hais yog tej negative gearing, kho tej cai tu tsom kwm tej laus, tej capital gain tax, tej early childhood education, thiab ua tib zoo xyuas kom tej niam txiv thiab cuab yig nrhiav tau zaub mob los yug lawv tsev neeg thiab pab kom lawv tej me nyuam tau kawm txuj kawm ci zoo.''
Nws kuj qhia ntxiv tias yuav npaj mus sib tw tej rooj nom ntawm tsev kis xeev siab (Senate) thiab tej zaum kuj yuav sib tw hauv tsev kis xeev qes (House of Representative) thiab.
Txawm tias nws hais tias nws tau sab laj nrog tej coj ntawm tej zejzog thiab tej coj neeg txum tim txog lub npe ntawm nws pab nom lawm los Tom Calma uas yog tus koom teeb tsa lub koom haum Voice uas sawv cev rau neeg txum tim yeej tau qhia rau ABC tias 'yeej tsis tau muaj kev sab laj thiab thov kev tso cai los siv lob lus 'Voice' no ua nws pab nom lub npe li, ces tej zaum thiaj yuav yog tej yam ua rau muaj kev totaub yuam kev tau.'
rau hnub zwj Teeb (Thursday) thaum 6 pm AEDT thiab hnub zwj Hnub (Sunday) thaum 11 am AEDT los yog koom tau ntxiv ntawm ,, , thiab los yog download thiab kom koj mloog tau SBS Hmong.
