Lus ceeb toom:
Tej xov xwm hauv qab no tsuas yog tej lus tawm tswv yim los ntawm tus neeg uas SBS Cantonese nrog tham xwb. Tsis yog ib cov lus raws li tau muaj cov kev tshawb fawb tau los ntawm cov kev teeb txheeb, thiab tsis tsim nyog xam tias yog ib co kev taw qhia los ntawm tej neeg paub txog tej txuj no.
12 tug tsiaj kav xyoo yeej muaj lub luag hauj lwm tseem ceeb taw qhia rau tej neeg ntiag tug thawm xyoo ua ntej raws tej tsiaj xyoo lawv yug thiab ntau yam cuam tshuam nrog lawv.
SBS Cantonese thiaj tau caw Feng Shui Master Sean Wong qhia txog nws cov kev xav tias tej zaum yuav zoo li cas rau yav pem suab rau ib tug neeg yug raws ib tug tsiaj kav xyoo twg thiab yuav tau ceev faj txog dab tsi.
Peb ho mus txheeb seb Zaj Ntoo xyoo no yog koj yug rau 12 tug tsiaj kav xyoo ho yuav zoo li cas!
Zaj: Nyiam kev zoo nkauj thiab rau siab ua hauj lwm ntsiag to.
(Cov xyoo yug: 1928 / 1940 / 1952 / 1964 / 1976 / 1988 / 2000 / 2012 / 2024)
- Tej cwj pwm: Suav tej kab lis kev cai yeej xam tias zaj yog ib tug tsiaj muaj tsim. Tej neeg yug zaj xyoo ces yog cov neeg nto npe rau phab ua luam, ntseeg tus kheej thiab muaj tsab peev xwm. Xyoo 2024 no ces zaj yog tus neeg tshaj lij rau phab nyiam ua yeeb yam, kos duab, sau ntawv thiab kuj paub tej yam uas lwm tus tsis paub txog.
- Hauj lwm: Vim muaj ''hnub qub ci'' sab hauv lub tsev, ces thiaj yog ib lub xyoo uas rau siab ua hauj lwm ntsiag to. Tab sis kub siab txog cov kev cov kev sib tham txog tej hauj lwm ntau yam thiab siv yus lub laj lim tswv yim rau phab art los tsim thiab siv dua tej tswv yim tshiab.
- Kev noj qab haus huv: Yuav tau saib xyuas koj txoj kev noj qab nyob zoo. Xyuas kom sib cuag tau nrog koj tsev neeg thiab tej phooj ywg, thiab ceev faj txog tej khoom ntse hauv tsev. Kom luag ntxhi thiab xav txog kis zoo ntawm lub neej!
- Kev hlub: Zaj yuav kho siab twm zeej, "thiaj yuav tau luag ntxhis tas mus li!" Thiab yuav tau nrog saib xyuas koj tus hlub los yog tej phooj ywg uas yug zaj xyoo thiab nrog lawv tham kom lawv tau koom nrog lwm tus thiab.
- Tej khoom pab kom muaj hmoo: Hnav tej ris tsho tsos tshiab ci thiab muaj yam ntxwv noog li qaib, leeb nkaub thiaj pab kom muaj hmoo thiab sib poo tau nrog lwm tus.
Nab: Muaj xam lees ntxim nyiam thiab yuav ntsib kev hlub thiab ua tau hauj lwm tiav zoo.
(Cov xyoo yug: 1917 / 1929 / 1941 / 1953 / 1965 / 1977 / 1989 / 2001 / 2013)
- Tej cwj pwm: Nab yog tus neeg cus cus, xav rau kis zoo, yog tus nyiam pib ua ib yam dab tsi.
- Hauj lawm: Lub hnub qub ci ntsa rau nab xyoo no, ces thiaj yuav muaj hmoov zoo rau kev ua hauj lwm thiab tshau tau txuj zoo rau tej tub kawm.
- Kev noj qab haus huv: Txawm tias yog ib tug neeg muaj neeg nyiam heev los tej zaum kuj ua rau nws mloog tau tias nyob tib leej twm zeej kho siab khuv thiab. Yog li tej neeg yug nab xyoo thiaj tsim nyog zaum quav tes quav taw tswj lawv tej kev xav kom tus.
- Kev hlub: Cov txiv neej yug nab xyoo ces yog cov neeg muaj neeg nyiam heev; hos tej poj niam yug nab xyoo los kuj yuav nrhiav tau tus hlub ntawm lawv lub neej. Cov kev nrhiav ib daim duab zoo nkauj thiab myeem tej ntawv txog tej yam ntxwv yuav pab kom yus yog cov neeg ntxim nyiam thiab kom nrhiav tau kev hlub! Thiab yog xyoo sib lub rau nab ces siv tag nrho yus txoj kev ntxim hlub los pab yus!
- Tej khoom pab kom muaj hmoo: Embrace sun-themed or sparkling bling-bling accessories in colours such as red and orange, as these are especially great for snakes born in autumn and winter.
Nees: Yog xyoo ua tiav ntau yam ua ntuv zus.
(Cov xyoo yug: 1918 / 1930 / 1942 / 1954 / 1966 / 1978 / 1990 / 2002 / 2014)
- Tej cwj pwm: Nees ces yog cov neeg uas nyiam ua raws tej hom phiaj. Thaum teeb tau hom phiaj meej lawm ces tsis muaj dab tsi yuav txwv txiav tau nws lawm. Yog li cov kev teeb hom phiaj kom meej tseeb thiaj yog ib co tseem ceeb yuav pab kom ua tiav tej yus xav ua.
- Hauj lwm: Xyoo no thiaj xav kom tej neeg yug nees xyoo kub siab txog ''cov kev ua dab tsi tiav yam ntsiag to'. Tsis tas ua ib yam dab tsi loj, tab sis kom kub siab txog tej yus ua nce qeb zuj zus. Ua tej yus ib txwm ua kom zoo tshaj plaws ces yuav pab kom yus ua tau dej num tiav.
- Kev noj qab haus huv: Vim poob rau lub hnub qub "hniav ntaj hniav riam los ntshav" ces thiaj xav kom tej neeg yug nees xyoo xyuam xim ceev faj. Yuav tau ceev faj tsam muaj ntau yam tshwm sim, raug phais mob los yog tej xwm txheej ua rau nqaij ntuag ntshav nrog. Thiab kub siab mus ntsib kws kho mob!
- Kev hlub: Yog tham txog kev hlub lawm xav kom tej neeg yug nees xyoo tsis txhob muaj kev vam kev cia siab dab tsi ntau thiab xav kom nrog xyuas kom muaj txoj kev sib raug zoo ruaj khov. Vim yuav pab kom tau txais kev nyab xeeb thiab muaj kev sib haum xeeb thawm xyoo.
- Tej khoom pab kom muaj hmoo: Nqa qee yam zaub mov li noob qoob loo, noob txiv los yog tej yam khoom zoo li noob qoob loo. Vim nees yog ib tug tsiaj noj zaub, ces tej zaub mov li hais no thiaj muaj kev cuam tshuam yuav pab kom nplua nuj los yog muaj hmoo rau nees.
Tshis/Yaj: Tau koob meej thiab muaj hmoo.
(Cov xyoo yug: 1919 / 1931 / 1943 / 1955 / 1967 / 1979 / 1991 / 2003 / 2015)
- Tej cwj pwm: Tshis ces yog tej neeg coj tus thiab nyiam qhov zoo nkauj thiab nyiam kos duab, sau ntawv, thiab yog tus muaj neeg kub siab txog tshaj ntawm ib pab pawg twg, ces thiaj ua rau lawv yog tus muaj neeg nyiam heev.
- Hauj lwm: Xyoo no yuav yog ib xyoo muaj hmoo zoo rau cov kev ua hauj lwm rau tej neeg yug tshis xyoo. Lub hnub qub 'Tian Yi' zoo yuav tau txais kev txhawb nqa thiab pab cuam los ntawm ib tug neeg tseem ceeb ntawm chaw hauj lwm. Tej poj niam yug tshis xyoo ces yuav muaj hmoo heev, hos tej txiv neej los kuj yuav tau txais kev pab cuam los ntawm tej phooj ywg poj niam. Ces thiaj yog ib xyoos uas 'yog tsis nqes tes ua ces yuav tsis tau' rau cov kev nqe peev nyiaj txiaj kom tau txiaj ntsim ntau yam.
- Kev noj qab haus huv: Yuav tau ceev faj thaum los daws ntau yam teeb meem me! Txawm tau kev pab cuam los ntawm tej neeg pab yus los yuav tau coj tus cwj pwm zoo thiab kub siab txog lwm tus ib puag ncig yus cov kev xav thiab.
- Kev hlub: Tej txiv neej yug tshis xyoo ces tej zaum yuav nrhiav tau tus hlub ntawm lawv lub neej, hos tej poj niam ces yuav muaj tej yam ntxwv ua rau ntxim nyiam thiab tej zaum tej phooj ywg kuj yuav pab kom lawv ntsib tus hlub - uas tej zaum tsis tas siv cov dating apps thiab!
- Tej khoom yuav pab kom muaj hmoo: Kom coj tej khoom uas muaj cov yam ntxwv zoo li nees vim yuav pab kom muaj hmoo rau txoj kev hlub, kev sib raug zoo.
Liab: Yuav ua tau tiav ntsiag to rau lub xyoo muaj kev pauv hloov tas mus li
(Cov xyoo yug: 1920 / 1932 / 1944 / 1956 / 1968 / 1980 / 1992 / 2004 / 2016)
- Tej cwj pwm: Liab ces yog tej neeg nyob tsis tswm thiab nyiam ua ub ua no, thiab mus ntawm ib qho rau lwm qhov chaws tas mus li hais ntsi ntsees tham txog cov kev ua hauj lwm los yog nrhiav kev hlub.
- Hauj lwm: Vim poob rau lub hnub qub "5 tug dab" thiab "Dab luaj pua" ces thiaj xav taw qhia kom tej neeg yug liab xyoo txaus siab rau lub tswv yim uas ''ua num tiav yam ntsiag to'' xyoo no. Tsis txhob ua tej yam tshaj yus lub tsab peev xwm kom thiaj tau txais kev nyab xeeb.
- Kev noj qab nyob zoo: Ceev faj tsam ua tsheb sib tsoo los yog raug xwm txheej dab tsi, hais tsi ntsees rau tej neeg uas nyiam kev sib tw. Thov koob hmoov thiab kev pov puag los ntawm tej ntsuj uas koj ntseeg los pov puag koj.
- Kev hlub: Tsis txhob nrug deb ntawm tsev thiaj ua tau lub neej tiaj tus thiab pab kom tau txais kev kaj siab.
- Tej twj pab kom muaj hmoo: Coj tej khoom pob zeb txua ua taub hwb thiaj tiv thaiv tau ntsuj dab phem.
Qaib: Yog ib lub xyoo muaj kev hlub tawg paj txi txiv thiab muaj kev sib cuag tshiab nrog lwm tus
(Cov xyoo yug: 1921 / 1933 / 1945 / 1957 / 1969 / 1981 / 1993 / 2005 / 2017)
- Tej cwj pwm: Qaib ces yog cov neeg nyiam mus koom lwm tus, feem ntau mas tej txiv neej yug qaib xyoo yeej zoo nraug ntxim hlub hos tej poj niam yug qaib xyoo yeej yog tej neeg zoo nkauj.
- Hauj lwm: Haum nrog tej zaj, xyoo no ces yog ib xyoos uas qaib muaj kev phooj ywg tshiab. Thiab lub hnub qub zoo uas yuav tau txais txiaj ntsim rau tej neeg ua hauj lwm pab zej tsoom thiab kev kawm.
- Kev noj qab nyob zoo: Tej poj niam tsim nyog kub siab txog poj niam chaw mos thiab mis, hos txiv neej ces yuav tau kub siab txog raum, hlab raum, zais zis, noob qes, chaw mos tsis muaj zog.
- Kev hlub: Txiv neej thiab poj niam tib si ces yuav yog ib xyoo zoo rau txoj kev hlub. Yog tseem tsis tau muaj tus hlub ces tej zaum yuav muaj cib fim ntau zaus ntsib kev hlub - thiaj xav kom ua tib zoo xaiv zoo zoo. Hos tej txiv neej yug qaib xyoo uas yuav poj niam lawm ces yuav tau ceev faj txog kev plees kev yig.
- Tej khoom pab kom muaj hmoo: Coj tej zeb nuj ua lub plawv thiab tso paj ntshua nplaim rau saum rooj kom muaj hmoo.
Sean Wong Source: Supplied / Sean Wong
Dev: Yog ib lub xyoo txoj kev ua lub neej yuav tig rau txoj xub ke zoo
(Cov xyoo yug: 1922 / 1934 / 1946 / 1958 / 1970 / 1982 / 1994 / 2006 / 2018)
- Tej cwj pwm: Yeej paub tias dev yog tib neeg "tus phooj ywg zoo tshaj plaws'', vim yog ib tug ua siab dawb siab ncaj thiab nyiaj ntxeem dhau ntau yam nyuaj. Feem ntau mas nyiam nrog tsev neeg nyob thiab tau hauj lwm zoo ua rau yav lig ntawm lawv lub neej, vim lawv muaj txoj kev kub siab thiab nias siab ua.
- Hauj lwm: Vim muaj cov kev cuam tshuam "ntawm Zaj thiab Dev'' ces thiaj yuav muaj kev pauv hloov rau xyoo 2024 no. Thiaj xav kom ceev faj rau tej kev muaj hmoo xyoo dhau los vim muaj cov kev pauv hloov lawm. Tab sis txawm tias tsis tshua muaj hmoo los tej zaum kuj yuav yog xyoo zoo thiab los kuj tau. Dev yeej yuav muaj fwj chim ntau tuaj ntxiv thiab muaj cib fim ntau ntxiv, tab sis xav taw qhia kom lug kom dhau tej xwm txheej uas yuav ua rau pheej yuav tau siv nyiaj ntau los them tej nuj nqe qee yam uas tsis ceev faj txog.
- Kev noj qab nyob zoo: Saib xyuas koj tus kheej txoj kev noj qab nyob zoo vim tej zaum xyoo no yuav yog ib lub xyoos ua rau dev nkees tau yooj yim heev. Thiaj xav kom yuav tau tu thiab saib xyuas yus tus kheej kom zoo.
- Kev hlub: Xyoo no ces yog ib xyoos cuam tshuam txog cov kev ua hauj lwm, yog li ntawd thiaj yuav ua rau txoj hmoov hlub nyob tsis tus. Thiaj xav kom kub siab ntxiv rau cov kev nyab xeeb thiab kev thaj yeeb rau txoj kev sib hlub.
- Tej khoom pab kom muaj hmoo: Coj tej khoom muaj tus yam ntxwv noog thiaj pab kom muaj hmoo.
Npua: Yog ib xyoos muaj kev vam meej tawg paj txi txiv, muaj koob nto npe thiab muaj kev hlub
(Cov xyoo yug: 1923 / 1935 / 1947 / 1959 / 1971 / 1983 / 1995 / 2007 / 2019)
- Tej cwj pwm: Npua yeej ib txwm muaj hmoo, rau siab ua hauj lwm thiab yuav tau txais txiaj ntsim ntau heev. Suav tej kab lis kev cai yeej xam tias npua yog lub cim qhia txog txoj kev nplua nuj, thiab qhia txog txoj kev yuav muaj nyiaj.
- Hauj lwm: Muaj cib fim yuav tau ua "tus coj" los sis yog yuav ras los ua ib tug neeg muaj fwj chim rau xyoo 2024 no. Tej neeg ua hauj lwm muag khoom, ua yeeb yaj kiab, TV los yog internet ces tej zaum yog cov neeg yuav kub siab txog heev.
- Kev noj qab nyob zoo: Vim muaj hmoo heev ces tej zaum thiaj yuav muaj txoj kev sib sau sib ntsib nrog lwm tus ntau tuaj ntxiv, thiab tej zaum kuj yuav ua tej no ntau heev. Thiab xav kom ua hauj sim xwb thiab tsis txhob khav theeb kom lwm tus tsis txhob khib.
- Kev hlub: Tej poj niam thiab txiv neej tib si uas yug npua xyoo yuav muaj hmoo ua tau hauj lwm zoo thiab ntsib kev hlub, vim muaj lub hnub qub "Ziwei" thiab "Longde" zoo uas yuav pab kom nplua nuj thiab tau txais kev hlub. Thiab xyoo no yog xyoo sib yuav ua txij nkawm.
- Tej khoom pab kom muaj hmoo: Nqa ib lub hnab ntawv liab muaj tus zauv ''9'' nrog kom thiaj haj yam muaj hmoo ntxiv.
Nas: Yog ib xyoo muaj yeej rau phab kev vam meej thiab kev txhim kho
(Cov xyoo yug: 1924 / 1936 / 1948 / 1960 / 1972 / 1984 / 1996 / 2008 / 2020)
- Tej cwj pwm: Tej neeg yug Nas xyoo yog ib co neeg ntxim hlub, thiab txawj ntse thiab sawv cev rau cov kev tshaj lij. Ces tej neeg yug nas xyoo thiaj muaj tsab peev xwm thiab txawj ntse.
- Hauj lwm: Yeej haum nrog tej neeg yug zaj xyoo thiab pab kom muaj kev sib raug zoo thiab pab kom muaj kev txhim kho rau cov kev ua hauj lwm. Ces thiaj yuav muaj qhov zoo thiab yuav ua tau vam meej yog thaum muaj cov kev pauv hloov dab tsi.
- Kev noj qab nyob zoo: Ceev faj txog tej teeb meem cuam tshuam txog ntshav thiab cov kev ua pa. Xub kub siab txog yus txoj kev noj qab haus huv ua ntej thiab nquag ua exercise!
- Kev hlub: Kub siab txog tus neeg yus nyiam, thiab tej neeg uas sib yuav lawm xav kom tham qhib siab lug nrog tej neeg yus hlub tshua. Thiab siv laj lim tswv yim zoo los daws tej kev tsis sib haum xeeb uas tseem muaj ntawd.
- Tej khoom pab kom muaj hmoo: Coj tej khoom muaj cov yam ntxwv li tus liab yuav pab kom muaj hmoo thiab muaj zog txhawb.
Nyuj: Ntxeem dhau ntau yam teeb meem nyuaj thiaj pab tau tus kheej thiab ntsib kev tiav
(Cov xyoo yug: 1925 / 1937 / 1949 / 1961 / 1973 / 1985 / 1997 / 2009 / 2021)
- Tej cwj pwm: Nyuj yog ib tug rau siab ua hauj lwm heev. Lawv yog cov neeg uas tswj tau tus kheej cov kev xav, paub txog lwm tus cov kev xav, paub nrog lwm tus tham thiab nyiam nyob ntsiag to.
- Hauj lwm: Xyoo no tus tswv kav xyoo "Tai Sui" uas tej zaum yuav ua rau nyuaj rau cov kev sib raug zoo nrog lwm tus, tab sis kuj yog cib fim zoo rau yus tus kheej pab yus thiab tej zaum yuav tau ua lub luag hauj lwm tus coj. Lub hnub qub "Yutang" qhia tias muaj cib fim yuav tau kawm pab yus tus kheej los yog yuav ras los ua ib tug coj. Thiab yog ib lub xyoo zoo rau cov kev pib ua ib yam dab tsi tshiab.
- Kev noj qab nyob zoo: Ceev faj txog kev mob plab dias hau. Yuav muaj peev xwm tswj tau cov kev sib raug zoo nrog lwm tus zoo vim koj muaj hmoo xyoo no.
- Kev hlub: Yog ib lub xyoo uas yuav muaj ntau yam xwm txheej tos uas yuav ua rau koj zoo siab; tab sis xav kom yuav tau kub siab txog cov kev ua hauj lwm thiab kev hlub. Tej zaum tej poj niam yug nyuj xyoo kuj yuav ntsib teeb meem nyuaj rau txoj kev txij nkawm thiaj xav kom kub siab tshaj qub ntxiv.
- Tej khoom pab kom muaj hmoo: Hloov hnab nyiab tshiab thiab tso yus ib daim duab zoo siab luag ntxhi rau hauv, tam li lub cim qhia tias tshem yam qub thiab pib dua tshiab.
Tsov: Nyooj thiab nqov qhawv rau txoj kev nplua nuj thiab vam meej
(Cov xyoo yug: 1926 / 1938 / 1950 / 1962 / 1974 / 1986 / 1998 / 2010 / 2022)
- Tej cwj pwm: Tsov maj mam muaj fwj chim tab sis yeej yog ib tug muaj peev xwm tswj tau tej xwm txheej tam sim no, thiab yeej yog tus tej qhua hwm txawm tias nws nyob ntsiag to.
- Hauj lwm: Lub hnub qub "Yima" yog ib xyoos yuav tau nyiaj zoo. Vim muaj hauj lwm ntau yam ua ces thiaj yuav khwv tau, yuav tau koob meej thiab meej mom. Ces thiaj yuav muaj cib fim nplua nuj vim muaj hauj lwm ua ntau tuaj ntxiv.
- Kev noj qab nyob zoo: Txawm tias yeej tau txais kev noj qab nyob zoo rau lub cev ntaj ntsug, los tej zaum tej neeg yug tsov xyoo kuj yuav xav rau kis phem ntau dua xyoo no. Thiaj xav kom xub kub siab saib xyuas kom tau txais kev kaj siab li tswj yus lub siab kom tus thiab muaj cov kev xav mus rau kis zoo.
- Romance: Lub hnub qub "Yima" yuav ua rau mus ntoj ncig, thiab yuav muaj cib fim ntsib tus hlub. Tej zaum kuj yuav ntsib tus hlub nyob deb los yog ntsib tus hlub ntawm tej chaw ua hauj lwm.
- Tej khoom pab kom muaj hmoo: Tso ib yam khoom ua tus duab npua rau saum rooj tig rau yus kom thiaj qev tau npua txoj hmoo zoo rau yus.
Luav/Miv: Yog lub xyoos ua tau dab tsi tiav yam ntsiag to
(Cov xyoo yug: 1927 / 1939 / 1951 / 1963 / 1975 / 1987 / 1999 / 2011 / 2023)
- Tej cwj pwm: Muaj neeg nyiam luav, vim yog ib co neeg ntxim hlub, thiab muaj txoj kev zoo siab, thiab pheej yog tus paub txog lwm tus cov kev xav thiab ua rau lwm tus nyiam thiab yeej ib txwm yog tej neeg ntxim hlub.
- Hauj lwm: Xyoo no ces yog lub hnub qub "Tai Sui txov" ces thiaj yuav yog ib xyoos ntsiag zog rau luav. Tab sis rau siab kawm thiab yeej ua tau hauj lwm zoo yam ntsiag to thiab tej zaum kuj yuav tau khoom plig yam tsis nco faj los kuj tau.
- Kev noj qab nyob zoo: Lub hnub qub "kab mob" qhia txog qhov tseem ceeb ntawm cov kev noj qab nyob zoo. Thiaj xav kom kub siab txog lub cev thiab txoj kev kaj siab, kub siab ua exercise tas mus li thiab xav rau kis zoo.
- Kev hlub: Ceev faj tsam ntsib kev cov nyom rau txoj kev hlub. Thiaj xav kom npaj kom muaj tej zwj ceeb sib hlub thiab siv lub caij nyoog zoo nrog tej neeg yus hlub tshua.
- Tej khoom pab kom muaj hmoo: Hnav tej ris tsho kob tshiab khiv thiab coj tej khoom ua tus yam ntxwv npua los yog tej saw daim yawm sij ua tus yam ntxwv npua kom thiaj muaj hmoo ntxiv.
Tej hais los ntawd yog cov kev saib hmoov ntawm tej neeg yug rau ib tug tsiaj kav xyoo twg txoj hmoov ntawm zaj xyoo no!
Koom ua kev zoo siab rau lub koom tsoo Lunar New Year nrog SBS. Mus txheeb tau ntau yam xov xwm ntxiv ntawm tsis hais yog tej xov xwm txog lub koom txoos no, cov kev taw qhia txog cov kev ua kev zoo siab, tej tswv yim ua hno noj, saib movies los yog tej kev lom zem.
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
