Xyoo no ces hnub xyoo tshiab Lunar New Year yog poob rau hnub tim 1 lub 2 hlis ntuj.
Ces muaj 4 yam yuav ua rau lub caij xyoo tshiab no. Li lawv xub pib ua lub xyoo tshiab me rau thawj limtiam, uas yog lub caij nco txog tej poj koob yawm koob thiab thov koob hmoov tom qab New Year's Eve, uas yog ib hnub sib sau ua ke los yog hnub muab khoom plig rau lwm tus.
Lub koom txoos Lunar New Year uas sawv daws paub tias yog lub koom txoos cim nplooj hlav (Spring Festival) no yuav ua ntev txog 15 hnub mus cob kiab rau lub koom txoos taws teeb (Lantern Festival).
Dr Pan Wang uas yog ib tug lees kais qhia ntawv ntawm lub chaw teeb txheeb txog Suav thiab cov neeg Asian ntawm tsev kawm qib siab New South Wales hasi tias, "
Dr Wang hais tias "Lunar New Year ces pib rau thawj lub hli ntawm lub xyoo tshiab. Suav raws cov hnub ntawm lub hli, uas sawv daws paub tias yog Chinese New Year los yog Spring Festival.''
Dr Wang tshab txhais tias "Yeej tau muaj cov kev ua kev zoo siab rau lub koom txoos no ntawm teb chaws Suav tuam tshoj thiab lwm cov teb chaws Asia sab hnub tuaj li Korea, thiab Japan thiab ntawm Southeast Asia li Nyab Laj (Vietnam) thiab."
Tsis tas li ntawd los kuj yeej tseem muaj cov kev ua kev zoo siab rau lub koom txoos xyoo tshiab no ntawm Malaysia thiab Mongolia tib yam li tej neeg Suav feem coob uas nyob txawv teb chaws thoob ntuj no thiab.
Lunar New Year yeej muaj keeb kwm txog li ntawm 4,000 xyoo, thiab tau pib muaj lub koom txoos no txij li lub caij tus huab tais Xia thiab huab tais Shang los lawm raws li Dr Wang qhia ntxiv.
Source: Getty Images/Kiszon Pascal
"Yog ib lub cib fim los kawm txog cov teb chaws Southeast thiab Eastern Asian tej kab lis kev cai."
Dr Kai Zhang yeej ua hauj lwm nrog cov program qhia ntawv Suav ntawm lub tuam chav qhia txog kab lis kev cai, keeb kwm thiab ntawv ntawm tsev kawm qib siab Australian National University ntawm Canberra.
Nws hais tias cov kev ua kev zoo siab rau lub koom txoos Lunar New Year ntawm Australia yog ib lub cib fim zoo heev rau tag nrho sawv daws hauv ntij teb no los kawm txog Suav thiab cov teb chaws Southeast Asia los yog Eastern Asia tej kab lis kev cai.
Nws hais tias "Yog ib lub koom txoos kab lis kev cai uas muaj keeb kwm los ntev, muaj ntau yam kab lis kev cai cuam tshuam, yog ib lub cim thiab muaj lub ntsib lus tob heev nyog rau tej kab lis kev cai no.''
Ntau txoj xub ke los ua kev zoo siab rau lub koom txoos Lunar New Year
Tej hauj lwm yuav ua rau lub koom txoos Lunar New Year activities ces yog cov kev los npaj ntau yam, kev noj hmo ua ke nrog yus tsev neeg rau hnub xyoo laus tas pib hnub tshiab rau xyoo tshiab (New Year's Eve), faib tej hnab ntawv liab thiab khoom plig rau lwm tus, hlawv paj hluav taws thiab saib tswv ntxhuav los yog zaj seev cev.
Dr Wang tshab txhais tias "Yeej muaj cov kev ua kev zoo siab rau lub caij Lunar New Year li kev noj zaub mov, noj ntses, noj ncuav mog (dumplings), sib sau ua ke nrog yus tsev neeg thiab yus tej phooj ywg."
Nws hais ntxiv tias "Tsos liab (xim liab) yog ib tsos muaj hmoo heev. Yog li peb thiaj pom tias muaj cov decorations los yog kho ntau yam kom zoo nkauj feem ntau yeej yog tso liab xwb. Thiab neeg Suav yeej muaj ib cov kev cai uas muab tej hnav ntawv liab rau lawv tej me nyuam tam li yog ib txoj kev ua kev zoo siab rau xyoo tshiab thiab ua kev zoo siab rau lawv txoj kev loj hlob thiab."
Chinese dancers perform during the Sydney Lunar Festival Media Launch at the Chinese Garden of Friendship in Sydney on February 9, 2021. Source: AAP Image/Bianca De Marchi
Iris Tang yeej tau loj hlob ntawm teb chaws Suav tuam tshoj thiab tau tuaj nyob ntawm Australia tau 20 xyoo dhau los lawm.
Nws hais tias qhov sib txawv ntawm cov kev ua kev zoo siab rau lub koom txoo no ntawm Australia thiab teb chaws Suav ces nyob rau Suav teb ntawm nws lub teb chaws ntawd ces tau so ntev rau lub caij ua kev zoo siab xyoo tshiab Lunar New Year - uas yog lub caij muaj ntau puas million tus neeg rov qab mus xyuas lawv tej zos thiab lawv tsev neeg ntawm teb chaws Suav.
Raws li Tang hais ces zaub mov yog ib feem tseem ceeb ntawm cov kev ua kev zoo siab rau lub koom txoos Lunar New Year ntawm teb chaws Australia tib yam li ntawm teb chaws Suav thiab.
"Yog tham txog ntawm kuv lawm, ces kuv yeej tau los npaj zaub mov ntau heev coj los ua kev zoo siab nrog kuv tsev neeg thiab tej phooj ywg ntawm Canberra. Ces peb tau los zaum ncig rooj thiab los puab cov mov ncuav dumplings ntau pua lub rau hnub xaus xyoo laus tos txais xyoo tshiab ntawd.''
"Kuv ua kom ntau tshaj txaus noj ib pluag thiab kuv muab tsu khov cia tau noj rau lub caij ua kev zoo siab rau xyoo tshiab ntawd."
Neeg Suav daim teej cim zwj qub uas ib txwm siv
Txawm tias tiam neeg Suav rau tiam neej tshiab no siv cov Gregorian calendar lawm xwb, los kuj yeej tseem muaj neeg siv cov teej cim zwj (carlendar) qub tsis hais hauv Suav teb los yog txawv teb chaws rau lub caij so Suav lub xyoo tshiab (Chinese New Year), lub koom txoos taws teeb (Lantern Festival thiab lub koom txoos Qingming Festival (koom txoos pe tsiab) thiab.
Tsis tas li ntawd los Dr Pan Wang kuj hais tias kuj yog Suav ib cov kab lis kev cai uas xiav hnub zoo caij nyoog rau ib lub xyoo ntawd uas tej neeg yuav ua tshoob, ua ntees, tsiv tsev, qhib lagluam tshiab thiab.
Suav cov teej cim zwj (calendar) qub ib txwm siv ces siv raw cov lunar solar uas cuam tshuam txog cov kev tig ntawm lub hnub thiab lub hli, ces thiaj xam txog lub hlis khiav ncig lub ntiaj teb thiab lub ntiaj teb khiav ncig lub hnub nrog thiab.
Dr Wang tshab txhais ntxiv tias "Nyob rau daim teej cim zwj (calendar), ces thaum pib ntawm lub hli ntawd. Yog li tej lunar calendar feem ntau ces yeej muaj 29 los yog 30 hnub xwb, thiab yuav siv solar year xyoo ntawd los ua cov qhia tias yuav pib lub xyoo ntawd li cas."
Txawm li cas los yeej muaj cov kev siv Suav cov teej cim zwj no sib txawv rau ntawm cov teb chaws Asia sab hnub tuaj thiab.
Txhua lub xyoo ces hnub zyoos tshiab Lunar New Year’s Day kuj yuav poob rau lub 1 hlis ntuj los yog lub 2 hlis ntuj raws li Pan Wang tshab txhais.
Source: Getty Images/d3sign
"Ces thiaj yog lub caij rau thaum xaus lub 1 hlis ntuj mus rau lub 2 hlis ntuj nrab. Thiab xyoo no lub caij xyoo tshiab ces pib rau lub 2 hlis ntuj."
Lub koom txoos taws teeb (Lantern Festival)
Dr Kai Zhang tshab txhais tias raws li ib txwm ua ces yeej siv lub sij hawm 2 limtiam los ua kev zoo siab rau Lunar New Year pib txij li Lunar New Year’s Eve mus txog rau lub koom txoos taws teeb (Lantern Festival) uas ua rau hnub tim 15 ntawm lub xyoo ntawd.
Yuav ua lub koom txoos taws teeb (Lantern Festival) no rau hnub tim 15 ntawm thawj lub hli raws li Suav cov calendar.
Dr Zhang hais tias "Tos ho hu lub koom txoos no ua koom txoos taws teeb (Lantern Festivial) los yeej muaj tej kev cai ib txwm ua li tej cuab yig ua cov teeb me me rau lawv tej me nyuam, thiab lawv yuav taws tej teeb no rau sab nraum zoov ntawm lawv tej qhov rooj."
"Thiab raws li peb txheeb tej keeb kwm lawm ces yeej tau pib txij li thaum tus huab tais Tang loa lawm, thiab yeej muaj ntau yam koom txoos ua rau hnub ntawd."
"Yog lub caij cam hwm tej poj koob ywm koob"
Dr Craig Smith uas yog ib tug lees kais qhia ntawv txog sab kev txhais lus (Suav) ntawm lub tuam chav Asia Institute ntawm tsev kawm qib siab University of Melbourne .
Nws yeej tau nyob ntawm Taiwan thiab South Korea tau 2-3 xyoos thiab yeej tseem nco tau cov kev ua kev zoo siab Lunar New Year rau ntawm 2 thaj chaw no zoo heev.
Dr Smith hais tias lub koom txoos ua hnub Lunar New Year ntawm South Korea ces yog lub caij cam hwm tej poj koob yawm koob, uas yeej yog ib co kab lis kev cai ntau haiv neeg ua thiab.
"Nyob rau hnub xyoo tshiab ces sawv daws yeej tau npaj ib tsum mov rau lawv tej poj koob yawm koob uas tas sim neej lawm, coj los ua cov kev cam hwm lawv thiab muaj dej rau lawv haus thiab," raws li Dr Smith hais.
رقص شیر Source: Getty Images/Nigel Killeen
"Yog ib cov keeb kwm muaj los tau ntau txheeb xyoo"
Dr Smith hais tias yeej muaj ntau lub teb chaws dua ntawm teb chaws Suav lawm yeej ua ntau lub lub teb chaws ua ntau yam rau cov kev ua kev zoo siab rau hnub Lunar New Year thiab.
Piv txwv li muaj cov kev ua tsov ntxhuav seev cev lis ib txawm ua rau lub caij mus taug kev rau hnub Lunar New Year thiab.
Dr Smith tshab txhais tias "Thaum uas tej neeg txawj txeeg tau mus txheeb txog tej keeb kwm tsov ntxhuav seev ceev lawm, ces yeej yog ntau txheeb xyoo dhau los lawm, thiab peb yeej paub txog tej kab lis kev cai ntau yam, tej kev ntseeg ntau yam, paj nruag thiab arts uas tau coj ntawm sab hnub poob los yog cov teb chaws Central Asia mus rau teb chaws Suav raws txoj kev ntaub pag uas muaj koob nto npe heev ntawd."
Ces tej zaum kuj yuav hais tau tias ntshe tej kab li kev cai no ib txhia yuav yog cov kab li kev cai uas pib txawv teb chaws tsis yog pib hauv teb chaws Suav los kuj tau. Vim yeej muaj neeg coob heev cuam tshuam nrog cov neeg Persian tej kab lis kev cai yog thaum los txheeb xyuas tej lus los yog tej keeb kwm lawm.
A stall seen selling Chinese New Year products during the Georges River Lunar New Year Festival in Sydney on January 18, 2020. Source: AAP Image/Jeremy Ng
Uas raws li Suav cov tsiaj kav xyoo ntawd ces yeej tau pib thiab xaus rau lub caij Lunar New Year.
Ib lub xyoos twg ces yeej muaj ib tug tsiaj kav xyoo txawv ntawm 12 tug tsiaj los ua tus kav lub xyoo ntawd, thiab ib tug tsiaj twg yeej coj cov moj yam (cwj pwm yam ntxwv) siab txawv.
Raws li peb paub ces yeej muaj cov tsiaj raug teem rau zum sib law liag li no xws li Nas, Nyuj, Tsov, Luav, Zaj, Nab, Nees, Tshis, Liab, Qaib, Dev thiab Npua.
Dr Wang hais tias Tsov ces yog lub cim qhia txog fwj chim, lub zog thiab muaj peev xwm tswj tau ntau yam - uas yog ib cov kev pauv hloov uas leej tib neeg hauv ntiaj teb no xav kom muaj kev pauv hloov rau tej xwm txheej kab mob COVID-19 kis thoob ntuj uas tsis tshua muaj peev xwm tswj tau pes tsawg.
