Ntsiab lus tseem ceeb:
- Tej zaum tej nqe hluav taws xob thiab nqe gas yuav kim txog li 30 feem pua rau qee thaj chaw ntawm teb chaws no.
- Muaj tej cuab yig coob kawg tau siv nyiaj ntau heev rau cov kev siv gas heating, tab sis lawv kuj muaj peev xwm siv cov spliting air-conditioner tau thiab.
- Tej xub ke yooj yim li tua koj lub modem thaum tsaus ntuj kuj yuav pab kom tsis txhob tau them nqe hluav taws xob kim thiab.
Tej nqe hluav taws xob yuav kim tuaj ntxiv ntawm teb chaws Australia rau ntau hli yuav los txog no.
Raws li tej xov xwm tau qhia los ntawm lub koom haum tswj tej gas thiab hluav taws xob qhia tias tej nqe hluav taws xob ntawm qee thaj chaw ntawm teb chaws no yuav kim tuaj ntxiv txog li ntawm 30 feem pua.
Tej neeg ntawm xeev Victoria yog cov yuav tau them kim tshaj plaws, raws li tej xov xwm tau los ntawm lub koom haum hais ces tej zaum yuav tau them tus nqe them hluav taws xob nrab nce kim tuaj ntxiv ntawm $1,403 mus ua $1,829 rau ib lub xyoo twg lawm.
Lub koom haum uas tswj haiv neeg Australia tej gas thiab hluav taws xob (Australian Energy Regulator - AER) tau qhia Hnub zwj Feej txog tus nqe hluav taws xob uas siv ib xyoos ib zaug uas sau rau tej customer ntawm tej cuab yig them ntawd ces kuj tau qhia tias tej zaum ntshe yuav nce tej nqe hluav taws xob yuav laug txog li 24% ntawm New South Wales (NSW), nce 22% ntawm South Australia (SA) thiab nces 20% ntawm sab qab teb hnub tuaj ntawm xeev Queensland.
Lub koom haum AER tau liam tias tos tej nqe ho kim tuaj los twb vim yog nqe roj zeb ntsuam thiab nqe gas kim thiab muab ib txhia chaw tsim hluav taws xob uas siv roj zeb ntsuam tsim ntawd kaw lawm.
Nyob ntawm Western Australia, Northern Territory, Tasmania thiab tej zos yaj sab ntawm Queensland uas tsis tshuaj muaj tej lagluam muag hluav taws xob no sib tw lagluam tsawg zog ces tus nqe yuav txawv lwm cheeb tsam ntawm teb chaws Australia.
Tej kws paub zoo txog tej dej num no hais tias muaj ntau yam li cuam tshuam rau tej kiab khw lagluam no ces thiaj yuav ua rau tej nqe no kim tuaj ntxiv thoob teb chaws no.
Tim Forcey uas yog ib tug neeg nruab nrab uas paub zoo txog cov kev saib xyuas kom yus lub vaj tse xis nyob thiab txuag tau tej nqe gas thiab hluav taws xob tau qhia rau SBS News tias tej zaum tej neeg sawv daws muaj peev xwm txuag tau ntau pua dollars rau ib lub xyoos twg, los yog tej zaum kuj yuav txuag tau ntau tshaj ntawd thiab yog tias xyuas kom muaj qee cov kev hloov yooj yooj yim.
Koj puas paub siv kom raug raws li qhov tsim nyog siv?
Txawm Mr Forcey taw qhia tias cov kev hloov cwj pwm siv thiab siv tej tswv yim pab kom tsis txhob tau them nqe ntau yog tej yam pab kom tsis txhob tau them tus nqe kim, los nws kuj tau hais thiab tias muaj ib yam kev totaub yuam kev tas mus li uas pheej ua rau tej neeg sawv daws yuav tau them tus nqe kim.
Nws tau hais tias “Yeej muaj neeg coob heev siv cua txias ntawm cov air conditioners rau lub caij ntuj sov kom txias, tab sis yeej tsis muaj leej twg qhia rau lawv tias lawv yog lawv siv lub air conditioner tso cua sov siv ces yuav tau them tus nqe hluav taws xob pheej yig tshaj plaws."
Independent home comfort and energy adviser Tim Forcey carries out audits of people's homes and often finds simple ways people can cut down their power bills. Source: Supplied
Mr Forcey hais tias yeej tseem muaj neeg coob heev tsis tau paub txog tej no, tib yam li nkaum niam txiv hluas uas nws tau mus xyuas tsis ntev los no thiab.
Nkawv tau siv nyiaj ntau txheeb dollars los kho cov gas heating system uas siv tsis tau lawm, thiab tsuas yog txog rau thaum uas Mr Forcey tau mus xyuas nkawv lub tsev, ces nkawv mam li paub tias muaj peev xwm siv tau lub twj tso cua txias los siv tau tej cua sov thiab.
Xav seb puas hloov siv dua lwm lub tuam txhab
Tony Wood, yog tus coj tswj cov hauj lwm gas thiab hluav taws xob thiab huab cua pauv hloov ntawm lub chaw teeb txheeb Grattan Institute tau hais tias vim yeej muaj tej tuam txhab muag hluav taws xob thiab gas ntau lub, ces thiaj tsim nyog peb xyuas seb puas hloov mus siv dua lwm lub tshiab kom thiaj pab txuag tau nyiaj me ntsis.
Thiab nws tau hais tias txawm yuav pab tsis tau tej neeg txuag tau nyiaj ntau ib ib txwm txuag tau dhau los lawm, los tej zaum tej neeg sawv daws kuj tseem muaj peev xwm txuag tau tej nqe no txog li 5 los yog 10 feem pua thiab.
Yeej yuav tau tua lub wi-fi thaum tsis siv hmo ntuj lawm tib yam li cov kev hloov mus siv lwm lub tuam txhab muag gas thiab hluav aws xob thiab, los yog yuav tau tua lwm yam khoom uas siv hluav taws xob ntau heev uas tsis siv tej twj ntawd lawm thia=b.
Mr Forcey tau hais tias "Tsis hais ib yam dab tsi li yog thaum yus kov es tseem sov - ces yuav nkim hluav taws xob. Yog li ntawd thiaj xav kom muab tua thaum yus tsis siv lawm."
Switching off appliances overnight, especially if they are the type of item that gets warm while switched on, can reduce energy use. Source: Getty / trumzz
Siv tej twj uas pab txuag kom tsis txhob siv hluav taws xob thiab gas ntau
Mr Wood tau txhawb nqa koj tej neeg pab txheeb xyuas tej twj siv cua sov los yog cua txias hauv tsev seb ho puas teeb rau qhov yuav pab txuag kom tsis txhob siv energy ntau, piv txwv li xiab rwb rau, los yog yuav twj twj uas tsis siv hluav taws xob ntau siv.
Nws tau hais tias "Tej yam me me yus ua ntawd yuav pab kom txuag tau tsis txhob siv energy ntau thiab."
Tsoom fwv NSW qhia kom tsuas tso tej twj tso cua sov txog li 18 - 21 degrees Celsius rau lub caij ntuj no xwb thiab tsuas tso rau thaum no tshaj plaws ntawm ib hnub twg xwb.
Mr Wood kuj tau hais tias tej twj uas yus siv ntawd kuj yog tej txiav txim tias seb yus ho yuav siv gas los yog hluav taws xob ntau npaum li cas thiab.
"Tej twj tshiab yog cov txuag tau hluav taws xob zoo dua, txawm li cas los tsis yog cia li yuav muab yus tej tub tsau txias uas tseem zoo siv pov tseg es kom yus thiaj tsis txhob tau them nqe hluav taws xob kim. Tab sis lwm zaus uas yuav dua lub tshiab ces ua tib zoo xyuas kom yuav tau tej uas siv hluav taws xob tsawg dua, vim ib lub tub tsau txias twg yeej yog ib lub uas siv hluav taws xob ntau heev li thiab.''
Mr Forcey tau hais tias tej neeg kho vaj tse pheej muab tej rwb uas nruab thiab xiab rau saum qab nthab yeej raug tshem rau ib sab twg thiab pheej tsis coj rov qab los vov li qub rau qhov chaw qub.
Nws tau hais tia "Thaum kuv xyuas tej qab nthab ces yeej muaj tej rwb xiab rau, tab sis feem ntau mas yeej muab tshem tawm thiab pheej tsis coj rov qab los nruab li qub rau."
"Ces thiaj yuav siv tsis tau hauj lwm zoo, yog tias pheej muab tshem ua ib pawg rau ib sab xwb. Yeej kho tau yooj yim heev, tab sis yus yuav tau nce nthab, thiab yeej tau txais kev nyab xeeb rau yus mus kho tau."
If insulation is not in place, you could be relying more on heating and cooling than you need to be. Source: Getty / Tomasz Zajda
Xyuas kom kaws koj lub tsev ntom nti
Mr Forcey tau txhawb nqa tej neeg sawv daws kom siv ntaub npog qhov rais thiab tej qhov rais los ua cov tswj tej kev kub kev sov sab hauv lub tsev.
Nws tau hais tias "Tej neeg pheej xav tias kuv vwm lawm. Vim ib lub caij twg ntawm ib lub xyoos twg, ces kuv pheej yuav tau xyuas 30 daim ntaub npog qhov rais ob zaug rau ib hnub twg, tab sis tej ntawd yeej yog tej yus tsim nyog ua kom thiaj tswj tau yus lub tsev."
"Thaum tsaus ntuj ntawm lub caij ntuj no ntawd ces, yeej tsis muaj dab tsi rau yus tau sab sab nraum zoo lawm, ces txo tej ntaub npog qhov rais los npog rau. Hos txog caij ntuj so, ces yuav tau ua zoo xyuas kom muaj ntaub npog qhov rau sab nraum zoov thaiv yus lub qhov rais kom duab tshav ntuj tsis txhob ziab tej iav qhov rais thiaj tsis sov rau yus lub tsev."
Raws li hais tias ces cov kev kaw ntaub npog qhov rais thiab kaw tej qhov rooj kom yus lub tsev sov yuav pab txuag tau $50 rau tej nqe siv cua sov rau yus lub tsev.
Muaj kev pab cuam dab tsi:
Mr Forcey tau txhawb nqa kom sawv daws txheeb seb ho thov tau nyiaj dab tsi ntawm tej xeev uas yus nyob ntawd los pab kho yus tej tsev khom tsis txhob siv hluav taws xob ntau.
Tsoom fwv teb chaws los kuj muaj ib co nyiaj los pab tej neeg Australia ua tau nyiaj pab cuam ntawm tsoom fwv los them nqe hluav taws xob thiab.
Ces yog yus tau siv nyiaj ntau npaum li cas coj los kho yus lub tsev lawm ces tej nom tswv xeev yuav them npaum li ntau rov qab rau yus thiab.
Thiab txawm tias tej zaum kuj yuav thov tau nyiaj sib txawv ntawm tej xeev, los
