Raws li Australia lub koom haum sawv cev rau tej tuam txhab superannuation hais, ces tej neeg uas so tsis ua hauj lwm lawm yeej tsis tshua muaj peev xwm them tau tej nuj nqe siv ua lub neej uas kim tuaj ntxiv no, ces thiaj ua rau lawv yuav tau siv nyiaj ntau tuaj ntxiv rau ib lub xyoo twg kom thiaj ua tau lub neej xws li teb li chaw rau thaum so tsis ua hauj lwm lawm.
Thiab tej xov xwm tshiab uas tau los ntawm lub koom haum Association of Superannuation Funds of Australia (ASFA) rau lub caij 3 lub hlis xaus rau lub 6 hli ntuj dhau los no, ces kuj pom tias tej nqe siv ua lub neej ntawm ib lub xyoo twg tau nce kim tuaj ntxiv txog li 3.7 feem pua rau 1 xyoos dhau los no lawm.
Txhais tau tias cov nkawm niam txiv muaj hnoob nyoog txij 65 txog 84 xyoos uas yuav tau tsev rau lawv nyob lawm yuav tsum muaj nyiaj yam tsawg txog $73,337 ib xyoos twg mas thiaj muaj peev xwm ua tau lub neej xws teb xws chaw thaum so tsis ua hauj lwm lawm.
Hos yog tsuas muaj tib tug neeg hauv yim neeg xwb ces yuav tsum muaj nyiaj yam tsawg li $52,085 mas thiaj yuav ua tau lub neej xws teb xws chaw rau ib lub xyoos twg.
Tab sis kuj muaj kev kwv yees sib txawv rau tej nyiaj super uas xav tau coj los siv kom ua tau lub neej xws teb xws chaw rau lub caij so tsis ua hauj lwm lawm thiab.
Raws li ASFA hais ces yog tib tug neeg xwb ces yuav tsum muaj nyiaj super tag nrho txog $595,000 los yog ib nkawm niam txwv twg yuav tsum muaj nyiaj super txog li $690,000 mas thiaj yuav muaj peev xwm ua tau lub neej xws teb xws chaw thaum so tsis ua hauj lwm lawm.
Mary Delahunty uas yog tus coj lub koom haum ASFA tau qhia rau SBS News tias "ASFA tej cai uas teev txog cov kev so tsis ua hauj lwm lawv yeej tau rov qab qhia tias ... tej nqe siv kom ua tau lub neej xws teb xws chaw rau lub caij so tsis ua hauj lwm kuj tau nce kim tuaj ntxiv lawm thiab. Vim rau qhov tias kuj tsis yog ib co nyiaj ntau thiab thaum yus rho tej nyiaj uas npaj tseg rau lub caij so tsis ua hauj lwm lawm coj los siv.''
Rising costs for essentials
ASFA teev txog lub ntsiab lus ntawm lo lus 'comfortable retirement' tias yog ib tug neeg twg cov kev muaj peev xwm ua tau lub neej xws teb xws chaw tom qab ntau xyoo uas nws so tsis ua hauj lwm lawm.
Ces tej nyiaj no thiaj yuav coj los siv yuav tej zaub mov noj, siv ua nqe transport, exercise, los yog ua ntau yam kev lom zem, noj mov hauv ib lub khw noj mov qee zaus thiab mus holiday txawv teb chaws ib zaug twg txhua txhua 7 xyoo twg.
Thiab qee yam nqe siv no los yeej tseem kim tshaj tej kab theem nyiaj poob nqe lawm thiab.
Delahunty tau hais tias "Peb yeej tau pom lawm tias tej nqe yuav nyiaj tuav pov hwm (Insurance) tau kim tuaj ntxiv lawm — tsis hais nyiaj tuav pov hwm tsev thiab tuav pov hwm kho mob — los yeej tau kim kawg nkaus li lawm. Tsis hais tej nqe ntau yam li khaub ncaws thiab khau los yeej tseem kim tshaj tej kab theem nyiaj poob nqe lawm thiab.''
Delahunty tau hais tias "Yeej muaj ib co xo zoo rau tej neeg so tsis ua hauj lwm, thiab lawv yeej paub tias yog lawv tseem cia lawv tej nyiaj rau hauv cov superannuation system, ces lawv tej nyiaj yuav raug coj mus siv nqe peev. Ces yuav tau txais txiaj ntsim los ntawm lawv tej tuam txhab super uas khwv tau nyiaj zoo thiab.''
Tsis tas li ntawd los kuj khwv tau nyiaj tsam ntawm lub tuam txhab Insurance Australia Group's (IAG) rau cov lagluam muag nyiaj tuav pov hwm tau nce ntau tuaj ntxiv yuav laug txog li ntawm 80 feem pua tsaib los yog tau nyiaj txog $1.4 billion lawm.
Tsis tas li ntawd los tej nqe (premiums) yuav nyiaj tuav pov hwm (insurance) los kuj tau nce kim txim txog li ntawm 11 feem pua, thiab tseem yuav nce kim ntxiv xyoo tom ntej no thiab.
Nick Hawkins uas yog tus coj lub tuam txhab IAG thiaj tau hais tias "Peb kuj pom tias yuav tau them tej nqe kho tsheb kim tuaj ntxiv txog li ntawm 10 txog 15 feem pua lawm thiab.''
Lub tuam txhab IAG qhia tias nws yeej kub siab los pab tej customers txom nyem, thiab tej neeg so tsis ua hauj lwm lawm kuj yog ib co neeg ntawm tej customers ua nws pab thiab.
Nws tau hais tias "Peb yeej tau zam tsis tsub tej premium rau ib co neeg raug mob, muaj mob los yog muaj teeb meem rau lawv lub cev, peb kuj tau txuas lub sij hawm ntiav tsev nyob ib ntus kom ntev ntxiv, thiab peb kuj muaj ntau txoj xub ke rau tej neeg xaiv them.''
Tab sis Delahunty tau hais tias tej neeg so tsis ua hauj lwm lawm yeej ntsib ntau yam teeb meem nyuaj thiab yuav tau ua ntau cov kev txiav txim siab ''rau lub caij uas tsim nyog lawv yuav muaj kev zoo siab rau lawv lub neej yog tias lawv twb rau rau siab ua hauj lwm dhau los lawm. Ces thiaj yog ib lub caij nyuaj kawg nkaus rau lawv thiab.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
