Tej lagluam uas khwv tau nyiaj hauj lwm ntau tshaj plaws thiab tsawg tshaj plaws ntawm Australia

Thaum ntxov xyoo no ces lub koom haum Australian Bureau of Statistics tau qhia tias tau muaj tej neeg ua hauj lwm khwv tau nyiaj hauj lwm ntau tshaj cov kab theem nyiaj poob nqe rau thawj zaug lub caij peb xyoo no. Thiab zoo li yuav zoo li ntawd txuas ntxiv mus.

A close-up photo shows two hands taking Australian banknotes out of a purse.

June quarter data showed that wage rises were not evenly spread across all sectors of the economy — although the differences also depended on the metric used. Source: iStockphoto / BeyondImages / Getty Images

Tej neeg ua hauj lwm kho mob thiab pab zej tsoom, tej lagluam muag services (gas/hluav taws xob etc.,), qhia ntawv, thiab tej khw muag khoom me yog cov uas khwv tau nyiaj hauj lwm ntaut shaj plaws ntawm Australia ib xyoos dhau los no txog lub 6 hli ntuj xyoo 2024 no.

Ces lub koom haum Australian Bureau of Statistics (ABS) thiaj hais tias raws li nws tsab ntawv cej luam Wage Price Index ces cov theem khwv tau nyiaj nrab thiaj tau nce ua 4.1 feem pua txog rau lub 6 hli ntuj dhau los.

Ob feem peb ntawm tag nrho txhua yam hauj lwm — los yog 67 feem pua ntawm tej hauj lwm — yeej khwv tau nyiaj hauj lwm ib xyoos twg ntau tuaj ntxiv tshaj 3 feem pua rau ib xyoos dhau los no.

Tej lagluam uas khwv tau nyiaj hauj lwm ntau txog 5 feem pua uas yog cov hauj lwm khwv tau nyiaj ntau tshaj plaws ces yog cov neeg ua hauj lwm kho mob, pab cuam zej tsoom, uas yeej khwv tau nyiaj ntau tshaj txhua yam lagluam tej hauj lwm yuav laug txog li 1 feem pua.

bar chart shows industries with the most wage growth in June 2024 quarter

Hos lwm cov neeg ua hauj lwm rau sab arts, information media and telecommunications thiab vaj tse ces yog cov uas khwv tau nyiaj haum lwm ntau tuaj ntxiv tsawg tshaj plaws.

Yuav ua li cas thiaj khwv tau nyiaj hauj lwm ntau ntxiv thiab cov lagluam them ntau tshaj plaws

Yuav nrhiav hauj lwm li cas ntawm Australia?

Chart shows industries with least wage growth in June 2024 quarter

Raws li ABS tej xov xwm tshiab uas teev txog cov Consumer Price Index tshiab tau coj los qhia rau tim 31 lub 7 hli ntuj ces tej kab theem nyiaj poob nqe tsuas nce ua 3.8 feem pua ntawm ib xyoos rau ib xyoos xwb thiab.

Tom qab tau coj tej xov xwm 3 hlis ib zaug twg uas xaus rau lub 12 hlis ntuj tsaib no coj los qhia rau thaum ntxov xyoo no, ces ABS tau qhia tias tej neeg yeej khwv tau nyiaj hauj lwm ntau tshaj cov kab theem nyiaj poob nqe ua thawj zaug rau lub sij hawm 3 xyoo los no.

Thiab tej xov xwm tshiab uas tau coj los qhia no los yeej qhia tias tej nyiaj hauj lwm no yeej khwv tau ntau tuaj ntxiv ua ntuv zus ntau tshaj tej kab theem nyiaj poob nqe lawm thiab.

Txawm li cas los tej xwm txheej no tsuas yog cov kev pauv hloov raws xyoo xwb thiab; lub caij 3 hlis xaus rau lub 6 hli ntuj ntawd ces tus kab theem nyiaj poob nqe tseem siab tshaj tus kab theem khwv tau nyiaj hauj lwm txog li ntawm 0.8 thiab 1 feem pua sib law liag.

'Yog tej nqe khoom kim sai tshaj tej nyiaj tej neeg khwv tau, ces yuav muaj teeb mem rau tej neeg ua hauj lwm'

Aruna Sathanapally uas yog tus coj thiab tus tswj cov hauj lwm lagluam vam meej thiab democracy ntawm lub chaw teeb txheeb Grattan Institute tau qhia rau SBS News tias tej nyiaj hauj lwm uas khwv tau ntau tshaj tus kab theem nyiaj poob nqe yog tej yam zoo.

"Cov kev khwv tau nyiaj ntau ntxiv tiag ces yog cov kev khwv tau nyiaj ntau sai tshaj tej nqe khoom, thiab yog tej yam zoo. Tab sis yog tias tej nqe tseem nce kim tshaj tej nyiaj khwv tau thiab ces yuav ua rau muaj teeb meem rau tej neeg ua hauj lwm.''

Reserve Bank 'waiting too late' to cut rates, Westpac chief economist says

Txawm li cas los tsis yog txhua cov hauj lwm ntawm txhua yam lagluam yuav khwv tau nyiaj sib npaug — thiab kuj tsuas nyob ntawm seb ho siv tej twj dab tsi ntsuam.

Tab sis tej kab theem khwv tau nyiaj hauj lwm no kuj khwv tau tshaj tej kab theem nyiaj poob nqe. Tab sis puas yog ib co xov zoo rau neeg Australia?

Sathanapally hais tias: "Tej xwm txheej khwv tau nyiaj hauj lwm ntau tuaj ntxiv no tsuas yog ib co xam rau kis dav dav xwb uas yeej tsis tau txheeb txog ib tug neeg twg seb zoo li cas. Tab sis kuv kuj muaj peev xwm hais tau tias peb kuj khwv tau nyiaj tib yam li tej nqe khoom uas kim tuaj ntxiv lawm thiab, ces cia siab tias xyoo tom ntej no kab theem nyiaj poob nqe yuav nqes thiab tej lagluam zoo dua yuav ua rau tej neeg khwv tau nyiaj ntau ntxiv.''

Tej nyiaj hauj lwm uas khwv tau ntau tuaj ntxiv ntawm public thiab private sector.

Private sector ces tej neeg ua hauj lwm khwv tau nyiaj ntau tuaj ntxiv txog 0.7 feem pua rau lub caij 3 hlis txog rau lub 6 hli ntuj dhau los, los yog khwv tau 4.1 feem pua ntawm lub xyoo.

Raws li Michelle Marquardt uas yog ABS tus coj us tswj cov prices statistics hais ces "Lub 6 hli ntuj xyoo 2024 ces cov private sector nce tej nyiaj hauj lwm tsawg tshaj plaws txij lub 6 hli ntuj xyoo 2021 los, thiab sib npaug tib yam li tej nce tsawg kawg nkaus rau lub 12 hlis ntuj xyoo 2021.''

Tab sis yog tham txog public sector ces khwv tau nyiaj ib nyuag zoo zog rau lub 6 hli ntuj — thiab yeej teev tias khwv tau nyiaj ntau ntxiv txog 0.9 feem pua — tab sis tsuas khwv tau 3.9 feem puas ntawm lub xyoo xwb.

LISTEN TO

What is income mobility and why does it matter?

SBS News

11/07/202403:05

Marquardt thiaj tau teev txog tej xwm txheej no rau cov kev tau nce nyiaj hli thoob plaws rau Australian Public Service.

"Tos ho pom muaj tej neeg khwv tau nyiaj ntau tuaj ntxiv ntawm public sector rau lub 6 hli ntuj los vim tsoom fwv teb chaws pom zoo kom nce nyiaj hauj lwm ntxiv.

"Ces tag nrho tej neeg ua hauj lwm rau Australian Public Service thiaj tau nyiaj hauj lwm ntau ntxiv txij tim 14 lub 3 hlis 2024 lawm. Ces thiaj ua rau muaj ntau yam hauj lwm ntawm public sector tau cov kev nce nyiaj hauj lwm ntau tuaj ntxiv ntawm tsoom fwv teb chaws lawm.

"Txawm li cas los kuj tau nce tej nyiaj hauj lwm rau tej hauj lwm no rau lub caij sib txawv tsuas nyog rau ntawm ib lub chaw ua hauj lwm twg muaj kev sib khom pom zoo nce li cas xwb.''