Xav kom ua tau lub neej nyob ntev lod? Nyob ntam teb chaws Australia.
Raws li tau muaj ib cov kev teeb txheeb tau qhia tsis ntev los no ces yog piv rau 5 lub teb chaws hais lus Askiv uas khwv tau nyiaj hauj lwm ntau lawm ces Australia yog lub teb chaws uas muaj neeg muaj siav ntev tshaj.
Tau muaj ib tsab ntawv cej luam raug coj los nthuav tawm ntawm phau ntawv xov xwm medical journal hu ua BMJ Open uas tau tshuaj ntsuam txog tej xov xwm tej neeg muaj txoj sia ua tau lub neej ntev npaum li cas ntawm Australia, New Zealand (NZ), Askiv (United Kingdom - UK), Ireland Meskas (The Unites States - US) thiab Canada txij xyoo 1990 txog xyoo 2019, ces txheeb tau tias neeg Australia muaj txoj sia nyob ntev tshaj tej neeg Canada rau thaum ntxov lub caij xyoo 1990s los ua lub teb chaws tau cov zum zoo tshaj plaws, thiab tau nyob rau theem zoo li ntawd los lawm.
Tej neeg Australia uas yug xyoo 2019 ces yuav ua tau lub neej ntev txog 83.24 xyoos - los yog ua tau lub neej nyob ntev tshaj tej neeg Askiv 2 xyoos los yog muaj sia ntev tshaj neeg America txog 4 xyoos.
Australia tej poj niam uas yug xyoo 2019 ces yuav muaj txoj sia nyob ntev txog li 85.27 xyoo. Source: SBS
Australia tej txiv neej uas yug xyoo 2019 ces yuav muaj txoj sia ua neej nyob ntev txog 81.2 xyoos. Source: SBS
Australia los kuj yog lub teb chaws uas ''muaj cov kev sib tu ncua tsawg'' dua rau tej neeg cov kev muaj sia ntev ntawm tej chaw tej neeg nplua nuj thiab tej chaw txom nyem nyob yog piv rau nws tej teb chaws phooj ywg.
Tsab ntawv cej luam no tau hais tias ''Australia yog lub teb chaws muaj neeg muaj sia ntev tshaj plaws ntawm tej teb chaws hais lus Askiv. Txawm tias Australia tej poj niam thiab tej txiv neej tas sim neej tsawg dua rau tag nrho txhua cov hnoob nyoog, los tej neeg muaj hnoob nyoog txij 45 xyoos txog 84 xyoos yog cov uas tau txais txij ntsim ntawm cov kev muaj peev xwm ua tej lub neej ntev.''
Vim li cas neeg Australia thiaj muaj txoj sia ua lub neej nyob ntev ua luaj?
Australia tej pej xeem uas yog tej neeg tsiv teb tsaws chaw tuaj nyob coob kuj yog ib feem uas tej zaum pab kom peb muaj txoj sia ua tau lub neej nyob ntev.
Raws li tej kev teeb txheeb dhau los tau qhia, tej neeg tsiv teb tsaws chaw yog cov neeg muaj txoj sia ntev dua tej neeg uas yug thiab nyob rau ntawm lub teb chaws yug lawv.
Tsis tas li ntawd los zoo li neeg Australia los kuj tau txais kev noj qab nyob zoo dua tej neeg ntawm lwm cov teb chaws uas hais lus Askiv thiab.
Peb yeej muaj tej neeg uas ''haus luam yeeb tsawg dua'' yog piv rau lwm haiv neeg, hais tsi ntsees rau teb chaws Meskas, Askiv, ces thiaj ua rau tej neeg tas sim neej los ntawm tej mob cuam tshuam txog cov kev ua pa, cuam tshuam txog plawv thiab hlab plawv thiab cancer.
Tsis tas li ntawd los kuj muaj tej neeg tas sim neej uas cuam tshuam nrog tej riam phom, yaj yeeb txhaum cai, dej caw tsawg dua ntawm teb chaws Australia no thiab.
Thiab tej zaum kuj yog tiam ''cov kev kub siab txog zej tsoom cov kev noj qab nyob zoo'', piv txwv li cov kev kho tej cai los tswj riam phom xyoo 1996 thiab nom tswv cov kev yuav zej tsoom tej phom rov qab tom qab uas tau muaj tej xwm txheej sib tua ntawm Port Arthur, thiab cov kev tau tsim lub koom haum headspace los pab daws haiv neeg no tej hlua cov kev nyuaj siab ntxov plawv.
Txuas ntxiv ntawd los peb kuj muaj tej kev kho mob zoo siv, thiab raws li tsab ntawv cawj luam 2021 Commonwealth Fund qhia ces Australia cov health care system yeej zoo tshaj tej muaj siv ntawm cov teb chaws UK, US, Canada, thiab New Zealand.
Neeg Australia muaj txoj sia ntev xam raws tus zaum theem nrab txog pes tsawg xyoo?
Txawm tias , los nws yeej tseem yog lub teb chaws uas muaj tej neeg musj sia ntev dua yog piv rau lwm cov teb chaws.
Thiab raws li UN cov kev kwv yees qhia ces tej teb chaws uas muaj sia ntev tshaj peb ces yog Monaco thiab Japan xwb.
Ces tej xov xwm tshiab ntawm lub koom haum Australian Bureau of Statistics (ABS) thiaj qhia tias tej neeg Australia uas yug txij xyoo 2020 txog 2022 yuav muaj txoj sia nyob ntev xam raws tus zauv nrab txog li 83.25 xyoos.
Txawm tias tus kab mob COVID-19 uas tau ua rau muaj teeb meem me ntsis rau Australia cov kev muaj txoj sia ntev me ntsis lawm los teb chaws Australia yeej tseem yog ib lub uas muaj tej neeg muaj txoj sia ua tau lub neej ntev li qub txuas ntxiv thiab. Source: SBS
Tab sis Australia tej neeg txum tim Aboriginal thiab Torres Strait Islander ces yeej muaj txoj sia ua tau lub neej ntev tej neeg Australia uas tsis yog neeg txum tim.
Ces tej neeg txum tim uas yug rau xyoo 2020 txog 2022 uas yog tej poj niam tsuas muaj txoj sia ntev txog 75.6 xyoo xwb, hos tej txiv neej uas yug rau tib lub caij no ces tsuas muaj txoj sia ntev txog li 71.9 xyoo xwb.
Mloog tau hnub zwj Teeb (Thursday) 6 pm, hnub zwj Hnub (Sunday) 11am, los yog koom tau ntxiv ntawm , , thiab . Downloadthiab caum
