Sim siv Australia cov ntawv Australia Travel Declaration digital form

Yav lig xyoo no ces Australia yuav coj ib co digital form coj los sim siv rau tej neeg tuaj rau Australia no kom tsis txhob tau sau ib daig ntawv qhia tias lawv tuaj nyob qhov twg thiab nqa dab tsi nrog lawv tuaj lawm.

A person in an Australian Border Force uniform holding up stacks of yellow Incoming Passenger Cards.

The paperless alternative will be trialled on Qantas flights between New Zealand and Australia before being expanded to other airlines. Source: AAP / Patrick Hamilton

Tej neeg uas caij dav hlau los yog caij nkoj tuaj rau Australia yuav tsis tau sau daim ntawv Incoming Passenger Card uas qhia tias lawv yuav so qhov twg thiab nqa khoom dab tsi tuaj rau lub teb chaws no ntxiv lawm.

Australia lub tuam chav tswj ciam teb Australian Border Force (ABF) tau qhia ces yuav coj dua cov ntawv ua digital form hu ua Australia Travel Declaration no coj los sim siv.

Thiab cov fij dav hlau Qantas uas ya ntawm Australia thiab Zew Nealand yog cov yuav xub pib sim siv yav lig xyoo no ua ntej yuav coj mus siv rau lwm cov rau lwm cov lagluam ya dav hlau ntxiv.

Tej neeg thiaj yuav qhia lawv tej xov xwm rau hauv Qantas app thiab yuav xa ib tug QR code rau tej neeg ua hauj lwm ciam teb.

'Antiquated' orange Incoming Passenger Card needs to be 'binned', industry body says

ABF thiaj li tau hais ib cov ncau lug tias "Cov kev muab cov Incoming Passenger Card tig coj los siv ua ib cov digital form yog ib co cib fem zoo yuav pab kom muaj peev xwm siv tau tej txheej txheem no zoo, thiab pab kom teev tej tau xov xwm no zoo dua thiab kom yooj yim rau tej neeg siv.''

"Yog li ntawd cov digital form tshiab hu ua Australia Travel Declaration no thiaj yuav pab kom peb tau tej lus tawm tswv yim tsim nuj los ntawm tej neeg thiab yuav pab kho tej form no thiab yuav coj mus siv kom nthuav dav tshaj qub ntxiv rau yav pem suab.''

Yog li ntawd Margy Osmond uas yog tus coj lub koom haum Travel and Tourism Forum thiaj tau hais tias cov program no yuav pab kom ntoj ncig tau zoo dua qub ntxiv.

Osmond tau hais hauv ib cov ncauj lug tias "Thaum kawg, ces tej neeg uas tuaj rau Australia yuav tsis tas siv cwj mem sau ib daig ntawv thaum lawv tuaj rau Australia ntxiv lawm. Vim tej ntawv no yog tej yam siv yav tas los lawm xwb, thiab peb yuav muaj peev xwm siv tau lub tswv yim tshiab no rau tiam digital no,''

''Ces cov kev hloov siv dua cov form tshiab no thiaj yuav pab tej neeg uas siv tej tshav dav hlau thaum lawv tuaj txog, thiab kuj siv cov txheej txheem zoo dua thiab vam meej dua los txheeb cov kev tswj kev ruaj ntseg rau ciam teb, uas peb yeej tau tau txhawb nqa los ntev kom hloov.''

''Peb thiaj zoo siab heev uas tau pib siv lub tswv yim tshiab no uas thaum kawg yuav coj mus siv rau lwm cov tuam txhab dav hlau thiab.''

Mloog tau

SBS Hmong

hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm

Facebook

Google podcasts

Spotify

thiab

Apple podcasts

. Download

SBS Audio app

thiab caum