Cov kev pauv hloov tshiab rau tej nyiaj super yuav pab tau dab tsi rau koj

Ib tug neeg ua hauj lwm twg yuav raug lwm tus nyiag lawv tej nyiaj super txog li $30,000 rau thaum lawv so tsis ua hauj lwm lawm. Nod yog tej cai tshiab yuav pab kom koj muaj nyiaj super ntau tuaj ntxiv.

A woman looks down at a piece of paper at her kitchen table.

New research shows only 30 per cent of Australians will retire "comfortably". New laws will ensure workers are paid properly, giving their super a boost. Source: Getty / Natalia Gdovskaia

Ntsiab lus tseem ceeb:

Treasurer Jim Chalmers tau tsim dua ib co cai tshiab muaj lub hom phiaj yuav los daws tej xwm txheej uas tej tswv lagluam pheej tsis them nyiaj super rau tej neeg ua hauj lwm..
Tau kwv yees tias ib tug neeg ua hauj lwm twg tsis tau nyiaj super rau lawv ib xyoos twg txog l $1,800 los yog tsis tau nyiaj super txog li $30,000 rau lub caij lawv so tsis ua hauj lwm lawm..
Tej koom haum uas tswj tej neeg tej nyiaj super thiaj zoo siab rau tsoom fwv tsab cai no thiab hais tias ''yog ib lub tswv yim zoo yuav los daws tau tej teeb meem no''.

Raws li ib co cai tshiab hais ces tej tswv lagluam yuav raug yuam kom them nyiaj super rau tej neeg ua hauj lwm kom sai dua rau ntau millions tus neeg Australia.

LISTEN TO

Nyiaj super siv rau lub caij so tsis ua hauj lwm

SBS Hmong

19/09/202408:05

Australia lub koom haum sau se (Australian Taxation Office - ATO) kwv yees tias muaj tej nyiaj super ntau txog li $3.6 billion tsis them rau tej neeg ua hauj lwm xyoo 2020-2021, hais tsi ntsee rau tej neeg tsis tau hauj lwm ruaj ua li tej

tej hluas uas ua hauj lwm

, neeg tsiv teb tsaws chaw thiab tej poj niam.

Raws li lub koom haum Super Members Councial hais ces yeej muaj tej tswv lagluam tsis them nyiaj super rau ib tug neeg ua hauj lwm txog $1,800 ib xyoos twg los yog tsis tau nyiaj super txog li $30,000 dollars rau lub caij lawv so tsis ua hauj lwm.

Yog li ''tej cai tshiab uas tau kho dua tshiab uas yuav muaj peev xwm daws tau tej teeb meem no'' yuav coj los siv rau lub 7 hli ntuj xyoo 2026 no, thiab yuav ua tib zoo xyuas kom tej neeg ua hauj lwm tau lawv tej nyiaj super rau tib lub caij uas tau lawv tej nyiaj hauj lwm.

Jim Chalmers uas yog tus nom tswj nyiaj txiaj rau tsoom fwv Albanese tau tsim duab tsab cai tshiab hu ua "payday super", los ua tib zoo xyuas kom tej neeg ua hauj lwm muaj nyiaj super ntau dua ntxiv rau lub caij lawv so tsis ua hauj lwm. Source: AAP / Mick Tsikas

Treasurer Jim Chalmers tau hais tias ''tsuas yog ua tib zoo xyuas kom tej neeg Australia khwv tau nyiaj ntau ntxiv, thiab khaws tau nyiaj ntau tuaj ntxiv, thiab tau nyiaj ntau ntxiv rau lub caij so tsis ua hauj lwm xwb.''

Mr Chalmers tau hais tias ''Cov kev pauv hloov no yuav pab kom Australia cov superannuation system siv tau zoo tshaj qub, thiab pab kom tau nyiaj ntau tuaj ntxiv siv rau tej neeg Australia ua hauj lwm rau lub caij lawv so tsis ua hauj lwm lawm xwb.''

Ces tus nom no thiaj kwv yees tias tej cai no yuav pab ib tug hluas hnoob nyoog 25 xyoos uas ua hauj lwm kom txog tau nyiaj txog li ntawm $6,000 rau thaum lawv so tsis ua hauj lwm.

Tej cai no yuav pab tau koj dab tsi thaum koj so tsis ua hauj lwm lawm?

Lub koom haum Association of Superannuation Funds of Australia (ASFA) cov kev tshawb fawb yeej txheeb tau tias tsuas muaj txog li ntawm

30 feem pua ntawm tej neeg Australia thiaj yog tej uas muaj nyiaj super txaus siv ua tau lub neej tig tau cev rau lub caij lawv so tsis ua hauj lwm lawm xwb.

Lub koom haum no thiaj tau teev lub ntsiab lus ''comfortable retirement'' tias yog cov kev muaj peev xwm muaj nyiaj txaus siv los them tej nqe siv ua lub neej txhua hnub, mus noj ib plua hno ntawm ib lub khw noj mov qee zaus, thiab cov kev muaj peev xwm mus ncig txawv teb chaws ib zaug twg txhua txhua 7 lub xyoos twg.

Mary Delahunty uas yog tus coj lub koom haum ASFA tau hais tias said "payday super yog ib lub tswv yim uas yuav daws tau tej teeb meem tej neeg ua hauj lwm pheej tsis tau nyiaj super rau lub caij tsim nyog tau no" rau lub tsam thawj uas tej lagluam no zoo siab rau cov kev hloov no.

'Super gap': The reasons two-thirds of Australians can't 'retire comfortably'

Delahunty said "Cov kev kho cov superannuation system no yuav pab kom tej neeg ua hauj lwm tau lawv tej nyiaj super raws li qhov tsim nyog tau ua ke nrog lawv tej nyiaj hauj lwm uas lawv tau ntawd. Thiab yuav pab kom muaj tej xwm txheej tsawg uas tej neeg tsis tau lawv tej nyiaj super thiab pab kom lawv tej nyiaj no raug coj mus nqes peev lagluam kom tau nyiaj ntau tuaj ntxiv coj los npaj tos rau thaum lawv so tsis ua hauj lwm. Peb ntseeg tias cov kev hloov no yuav txhawb nqa kom tej neeg kub siab tas mus los los nrog txheeb xyuas lawv tej nyiaj uas npaj tseg siv rau thaum lawv so tsis ua hauj lwm.''

Ces tsab cai tshiab no thiaj txhawb nqa kom tej lagluam yuav tsum tau muab nyiaj super rau tej neeg ua hauj lwm tas mus li tsis li ntawd ces yuav ntsib teeb meem.

Thiab yuav kom tej lagluam ua cov ris tej teeb meem uas pheej tsis them nyiaj super rau tej neeg ua hauj lwm yog tias pheej tsis them tej nyiaj no rau tej neeg ua hauj lwm rau lub sij hawm 7 hnub uas them nyiaj hauj lwm, tsis yog pheej yuav them txhua txhua 3 hlis ib zaug twg li tam sim no lawm.

The Australians with a $140,000 superannuation problem

Michele O’Neil uas yog tus coj lub koom haum Australian Council of Trade Unions (ACTU) tau hais tias ''txhua txhua dollars ntawm tej neeg ua hauj lwm tej super accounts ntawd yog tej yam tseem ceeb heev'' uas yuav pab kom tej nyiaj super tsis txhob raug nyiag thiab ua tib zoo xyuas kom thaum tej neeg ua hauj lwm so tsis ua hauj lwm lawm yam ''muaj meej mom''.

Nws tau hais tias “Thaum uas pheej tsis them tej nyiaj super tas mus li rau tej neeg ua hauj lwm, thiab tej tswv lagluam pheej khaws tej nyiaj no rau ntawm lawv tej accounts xwb ces yuav ua rau tej neeg ua hauj lwm tsis tau txais txiaj ntsim los ntawm tej paj (compound interest) uas tau rau yus tej peev thiab tej paj uas tau rau tej nyiaj uas khwv tau tsam ntawd.''

ASFA kwv yees tias tam sim no ces ib nkawm niam txwv twg yuav tsum muaj nyiaj super txog li $690,000 los yog ib tug neeg ntiag tug twg yuav tsum muaj nyiaj txog li $595,000 rau thaum so tsis ua hauj lwm lawm mas thiaj li yuav ua tau lub neej xws teb xws chaw.