Lub caij uas tej neeg qev nyiaj siv tseem cia siab tias seb Reserve Bank of Australia (RBA) puas yuav txo kab theem paj thiab cia siab tias yuav ua rau tej txhab nyiaj txo ib yam ntawd, tam sim no kuj muaj 3 lub txhab nyiaj ntawm Australia tej tuam txhab nyiaj loj tau txo lawv cov kab theem paj fixed mortgages lawm.
Tab sis tej txhab nyiaj kuj tau qhia limtiam no tias lawv yeej tau txo cov kab theem paj rau cov saving accounts uas muaj neeg nyiam siv, ces thiaj ua rau tej koom haum pab tej neeg yuav khoom siv hais tias ''yog tej yam txaus tus siab heev tab sis kuj tsis yog tej yam ua rau sawv daws ceeb dab tsi thiab.''
Lub koom haum Australian Competition and Consumer Commission (ACCC) yeej tau xub tib dhau los tias tej txhab nyiaj tej cai teeb tej kab theem paj mas yog ib co uas sib chab sib chaws heev.
Nod yog tej uas tau muaj kev pauv hloov rau tej lagluam qev nyiaj rau tej neeg siv.
Muaj cov kev pauv hloov dab tsi rau cov fixed-rate mortgages?
Lub txhab nyiaj National Australia Bank (NAB) tau txo nws cov kab theem paj no lub 7 hli ntuj (2024) thiab tam sim no ces CommBank (CBA) thiab Westpak los kuj tau txo nkawv tej kab theem paj raws qab lawm thiab.
Raws li Sally Tindall uas yog tus coj uas tawm tswv yim txog tej xov xwm thiab sib piv cov kev siv nyiaj txiaj ntawm lub koom haum Canstar hais ces Westpac — uas yog Australia lub txhab nyiaj qev nyiaj rau tej neeg yuav tsev ntau tshaj plaws ua zum ob — thiaj tau txo cov kab theem paj fixed rates txog 0.8 feem puas uas yog cov kab theem paj uas pheej yig tshaj plaws tam sim no ntawm Australia 4 lub tuam txhab nyiaj loj.
Tam sim no ces Westpac yog lub txhab nyiaj uas muaj cov kab theem paj fixed rates pheej yig tshaj plaws ntawm Australia 4 lub tuam txhab nyiaj loj lawm. Source: AAP / Dave Hunt
"Thiab tej zaum kum tseem yuav txo cov kab theem paj fixed rate ntxiv rau ntau lub hli ua ntej uas seb puas txo cov kab theem paj (cash rate cut) thiab. Tab sis kuj tseem tsis tau paub tias tej kev txo tej kab theem paj no puas yuav ua rau tej neeg qev nyiaj xav qev nyiaj li cas ntxiv.''
Ces tam sim no Commbank thiaj tab tom txo cov kab theem paj variable rates 0.35 feem pua rau tej customer tshiab.
Tej xov xwm tau los ntawm lub koom haum Australian Bureau of Statistics (ABS) qhia tias tsuas muaj tej neeg txog li 2.6 feem pua siv cov fixed rate rau lawv tej mortgage xwb piv rau cov variable rates — ces yeej ib nyuag ntau me ntsis ntxiv ntawm cov feem puas uas qes heev lub 4 hlis ntuj tab sis yeej tseem qes dua 46 feem pua lub 7 hli ntuj xyoo 2021 thiab.
Ho muaj dab tsi pauv hloov rau cov kev faj nyiaj kom tau paj (Term deposits)?
Term deposits ces yog ib hom savings account khaws nyiaj cia kom tau ib co kab theem paj xwm yeem (fixed interest rate).
Thiab term deposits ces yeej tau kab theem paj siab dua txij thaum RBA tau nce kab theem paj ob xyoos dhau los.
Tab sis raws li tej xov xwm sib piv kev qev nyiaj siv uas tau los ntawm lub vas sab Canstar qhia ces kuj pom tias Australia 4 lub txhab nyiaj tau txo lawv tej kab theem paj txij li ntawm 0.2 txog 0.65 feem pua rau tej customers lub caij 6 hli dhau los lawm thiab.
Tom Abourizk uas yog tus tswj tej cai uas txhab nqa tej neeg qev nyiaj siv ntawm lub koom haum Choice tau hais tias yeej paub tseeb tias tej txhab nyiaj yeej tsis txhawj tias tsam lawv yuav plam tej customers, vim zoo li yeej tsis tshua muaj cov kev sib tw lagluam ntawm tej tuam txhab nyiaj txiaj no.
Abourizk tau hais tias "4 lub txhab nyiaj loj yeej ib txwm siv lawv lub koob lub npe los ua luam xwb ces feem ntau thiaj tsis tshuaj muaj tej kab theem paj zoo rau tej neeg siv. Thiab tej no yog tej yam txaus tu siab heev tab sis kuj tsis yog tej yam ua rau peb ceeb dab tsi.''
Tau nce tej paj siv credit card lawm
Raws li lub vas sab Mozo tej kev tshuaj ntsuam tshiab txog cov kev sib piv nyiaj txiaj tau qhia ces txawm tias muaj neeg Australia tej nuj nqes siv credit card tau nqe yuav laug txog ib nrab lub caij 10 xyoo dhau los no — ntawm $31.9 billion los ua 17.5 billion lawm xwb — los tej nqe them siv credit card ib xyoos twg yeej tau nce kim tuaj ntxiv lawm.
Tus nqe nrab uas them siv credit card ib xyoos twg tau nce ua $135 los yog 25 feem pua rau 10 xyoo dhau los no lawm. Source: AAP / AAPIMAGE
Thiab kuj muaj cov credit card uas tau them cov paj tsawg txij 1 txog 10 feem pua ntawd yeej tau muaj ntau tshaj 600 feem pua lawm thiab.
Australia lub txhab nyiaj Reserve Bank of Australia (RBA) tau hais dab tsi txog cov kab theem paj?
RBA yeej yog tias tus kab theem nyiaj poob nqe tsis nqes.
RBA tau txiav txim tias yuav ua rau tej ''nqe khoom kim tuaj ntxiv ... vim muaj ntau yam cuam tshuam,'' yog tias tsis muaj peev xwm tswj kab theem paj kom nyob ntawm 2-3 feem pua xyoo tom ntej no, ces ntshe tej zaum tej txhab nyiaj kuj yuav rov qab nce kab theem paj dua thiab xav lug kom tsis txhob tau ncua lub caij kom muaj peev xwm yuav tswj tau cov kab theem nyiaj poob nqe no.
Raws li Tony Sycamore uas yog lub koom haum IG tus neeg tshuaj ntsuam txog tej kiab khw nyiaj txiaj tau qhia rau SBS News ces tej kiab khw nyiaj txiaj yeej yuav txo tej kab theem paj rau thaum xaus xyoo no thiab vim rau qhov muaj neeg poob hauj lwm ntau tuaj ntxiv thiab lagluam los kuj tsis tshua loj hlob zoo.
RBA tau hais tias yuav nce kab theem paj ntxiv yog tias tej kab theem nyiaj poob nqe tsis nqes. Source: AAP / AAPIMAGE
Limtiam dhau los ces Reserve Bank of New Zealand yeej tau txo kab theem paj ntawm 5.5 ua 5.25 feem pua, thiab yog thawj cov kev txo kab theem paj rau lub caij 4 xyoos thiab cav tias vim nws lub teb chaws tej lagluam tsis zoo.
Thiab raws li Saul Eslake uas yog ib tug independent economist hais ces vim tias tag nrho ntau cov teb chaws li New Zealand (NZ), Askiv (UK), Meskas (US) thiab lub koom haum European Unin (EU) yeej tau txo lawv tej lab theem paj tsawg zog lawm, ''ces thiaj tsis yog tej yam ceeb dab tsi'' uas RBA yuav tsis txo kab theem paj tib yam thiab.
Nws tau sau ntawv hauv LinkedIn tias "Tej kab theem nyiaj poob nqe los yeej tsis tshua nqe ntau pes tsawg los yog tsis tshua nqe kom sai li tej tau nqes ntawm teb chaws Meskas, Askiv, Canada thiab NZ, tab sis yeej tsis tshua muaj neeg poob hauj lwm ntau ntawm tej teb chaws no.''
"Tej ntawd kuj yog (cov kev muaj feem ntau) vim tias RBA kuj yuav pib rov qab nce kab theem paj tom qab thiab, thiab yeej tsis tshua nce ntau pes tsawg, tib yam li nws tej teb chaws phooj ywg: ces thiaj tsis yog tej yam ua rau peb ceeb dab tsi tias nws yuav tsis txo kab theem paj sai li nws tej teb chaws phooj ywg tau txo.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
