Raws li Australia tej kws tshawb fawb (Scientists) hais ces tej xov tooj tes (Mobile phones) yog tej tsis muaj feem cuam tshuam dab tsi ua rau mob tej cancers rau paj hlwb thiab taub hau.
Tau muaj ib co kev teeb txheeb uas tau txais kev txhawb nqa los ntawm ntiaj teb lub koom haum tswj dej num noj qab haus huv (World Health Organization -WHO) uas tau mus txheeb cov kev teeb txheeb ntau tshaj 5,000 cov uas tau teeb txheeb txij li xyoo 1994 txog 2022 ces kuj txheeb tau tias yeej muaj cov kab theem mob cancer paj hlwb tus li qub thiab txawm tias tau muaj cov kev siv tej xov tooj tes (Mobile phones) ntau tuaj ntxiv los yeej tsis ua rau tej neeg mob cancer rau tib lub caij ntawd.
Ces thiaj tau coj cov kev teeb txheeb no coj los nthuav tawm tom qab uas tau muaj kev txhawj xeeb tias tsam cov mobile phone radiation ua rau muaj teeb meem, thiab kuj tau muaj ib cov kev ceeb toom los ntawm lub koom haum International Agency for Research on Cancer xyoo 2011 uas tau teev tias cov mobile phone radiation tej zaum yuav ua rau mob cancer.
LISTEN TO
For some cancer patients, they're battling the disease - and discrimination
SBS News
29/08/202406:43
Associate Professor Ken Karipidis uas yog tus neeg ua hauj lwm pab tus coj uas tswj cov hauj lwm txheeb seb puas muaj teeb meem mob nkeeg ntwm lub koom haum Australian Radiation Protection and Nuclear Safety Agency (ARPANSA) tau hais tias:
"Yeej tau muaj ntau cov kev teeb txheeb yav tag los yeej muaj cov kev xav sib cov nyom, yog li ntawd thiaj yog tej yam tseem ceeb uas yuav tau muab tag nrho tej pov thawj tim khawv coj los sib sau ua ke coj los txheeb txog tej no thiab qhia kom zej tsoom paub tias yog li cas tiag.''
Ces cov kev tshuaj ntsuam no thiaj qhia tias lub caij uas tau siv mobile phone ntawd yeej tsis ua rau yuav mob tej cancers dab tsi.
Karipidis tau hais ntxiv tias "Yog tias tej neeg siv lawv tej xov tooj tes (Mobile phones) tau 10 xyoo los yog ntev tshaj ntawd lawm, ces peb kuj tsis pom tias muaj feem cuam tshuam dab tsi, thiab kuj tsis muaj feem dab tsi cuam tshuam txog cov kev siv tej xov tooj no ntau npaum li cas thiab, tsis hais yuav hu pes tsawg tsab xov tooj nrog lwm tus tham los yog siv tej xov tooj rau lub caij ntawd li.''
Peb kuj tau txheeb thiab yeej tsis pom tias tej neeg cov kev siv xov tooj tes (Mobile phones) txog 10 xyoo los yog ntev tshaj ntawd yuav muaj feem cuam tshuam dab tsi li.Ken Karipidis
Professor Mark Elwood uas tsis yog ib tug zeskais qhia ntawv tab sis tau txais lub meej mom tam li yog tus zeskais vim tau ua ib yam dab tsi tseem ceeb pab rau lub tsev kawm qhib siab University of Auckland cov hauj lwm kab mob cancer sib kis thiab yog tus koom sau tsab ntawv cej luam no kuj tau xaus nws cov kev txheeb no tias ''yeej txaus ntseeg hauj sim xwb vim tau siv tej pov thawj tim khawv txaus ntseeg los ntsuam tab sis zoo li yeej tseem tsis tau muaj pov thawj txaus qhia tau meej kiag tias yog kiag li ntawd tiag.'' — uas yog ib cov theem txheeb xyuas theem siab tshaj plaws txog lub tswv yim no yam tsis tau ua cov clinical trials.
Ces cov kev txheeb no thiaj tau ntsuam tej xov tooj uas siv cov 3G thiab 4G networks xwb thiab Elwood tau qhia tias yeej tseem tsis tau muaj ib cov kev teeb txheeb dab tsi tseem ceeb txog cov 5G network li.
Nws hais tias "Yeej tau muaj ntau cov kev teeb txheeb txog tej rada uas muaj ntsis muaj tej frequencies tib yam li [5G] ... Tab sis tej kev teeb txheeb no yeej tsis qhia tias yog siv lawm yuav ua rau raug kev phom sim mob ntau tuaj ntxiv li cas thiab.''
Rohan Mate uas yog ib tug research scientist ntawm lub koom haum Australian Radiation Protection and Nuclear Safety Agency (ARPANSA) cia siab tias lawv cov kev teeb txheeb no yuav rov qab qhia meej rau tej neeg sawv daws tias yeej siv tau tej xov tooj tes (Mobile phones) yam tau txais kev nyab xeeb.
Mate tau hais tias "Peb cia siab tias tej kev teeb txheeb no yog ib txoj xub ke uas yuav muaj peev xwm qhia meej rau tej neeg sawv daws tias tau txais kev nyab xeeb thiab cia siab tias yuav ua rau lawv tsis muaj kev txhawj xeeb txog cov kev siv tej technology no.''
READ MORE
Xov tooj tes thiab cancer
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
