Tej neeg uas pheej tsim thiab thiab tej neeg uas pheej faib tej duab liab qab yam tsis tau txais kev tso cai ntawm lwm tus uas sawv daws paub tias yog cov ''deepfakes'' ntawd ces tam sim no yuav raug rau txim kawv tsev laj cuj raws li ib tsab cai tshiab uas tsev tsoom fwv tau tsim tau hnub no [[Zwj Feej (Wednesday) tim 21 lub 8 hli ntuj xyoo 2024]].
Tej neeg uas pheej coj lwm tus tej duab liab qab coj mus tso/faib rau lwm tus yam tsis tau txais kev tso cai ces yuav raug rau txim kawv tsev laj cuj 6 xyoo, thiab tej neeg uas yog tus siv lwm tus tej duab los tsim/txua ua duab liab qab coj mus tso/faib rau lwm tus ces yuav raug kaw tsev laj cuj 7 xyoo.
Tsab cai tshiab no ces yeej teev txog tej duab tiag uas ib tug neeg twg tsis tso cai faib rau lwm tus, tab sis ib tug neeg twg pheej tsim coj los tsim teeb meem rau lwm tus li tej sawv daws paub tias yog deepfakes ntawd.
Deepfakes ces yog tej duab ntawm ib tug neeg twg los yog lawv lub cev uas raug lwm tus muab kho ua tej duab liab qab.
Murray Watt uas yog Labor tus nom zaum thawj hau rooj tau qhia rau tsev kis xeev siab tias tsab cai no yog ib tsab xo meej tseeb qhia rau tej neeg ua txhaum kom paub tias lawv yuav raug rau txim.
Tej duab digital uas tau tsim thiab tau kho ua duab liab qab uas raug coj mus faib rau lwm tus yam ib tug twg tsis pom zoo thiab tsim kev puas tsuaj thiab coj los siv rau kis tsis zoo ua kom ib tug twg nyuaj siab ntxhov plawv. Ces tsab cai no yuav pov puag tej zejzog kom tsis txhob muaj tej teeb meem uas tab tom tshwm sim ntau tuaj ntxiv hauv online, thiab yog ib tsab xo qhia meej tseeb rau tej neeg ua txhaum tias yuav raug rau txim hnyav tsis hais tus neeg tsim thiab tus neeg uas coj tej duab liab qab uas lwm tus tsim tau coj mus faib rau lwm tus yam tsis tau txais kev tso cai.Labor Frontbencher Murray Watt
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
