Scamwatch uas yog ib lub vas sab uas ceeb toom txog tej xwm txheej neeg phem ntxias dag zej tsoom tau coj ib cov kev ceeb toom los qhia rau zej tsoom paub tias tej neeg phem tab tom xa email rau tej neeg thiab pheej cav tias lawv niam muaj thiab tej yeeb yaj kiab (videos) uas lawv siv tej webcams thiab computers yees tau.
Scamwatch ces yog lub vas sab uas lub koom haum Australian Competition and Consumer Commission (ACCC) uas tus tswj yeej tau hais tias tej neeg ua txhaum cai yeej tab tom hawv rau tej neeg tias lawv yuav coj yus tej duab thiab tej videos mus tso rau lwm tus saib yog tias yus tsis them nyiaj rau lawv.
Tej neeg phem los kuj tseem coj yus tej xov xwm ntiag tug ntau yam li hnoob nyoog, chaw nyob, yus tej email addresses coj los hawv kom tej neeg ntshai thaib xa nyiaj rau lawv.
Lub koom haum no (ACCC) hais tias tej neeg phem pheej hais kom tej neeg raug teeb meem no xa cryptocurrency mus rau ib qho address twg.
Tej neeg phem yuav qhia yus tej xovxwm ntiag tug ntau yam li hnoob nyoog thiab chaws nyob hauv lawv tej email coj los hawv kom tej neeg ntshai thiab xa nyiaj rau lawv. Credit: Australian Competition and Consumer Commission Scam Watch
Thiab lub vas sab (website) no yeej tau hasi tias tau muaj ntau pua tus neeg qhia tias lawv raug neeg phem tsim tej teeb meem no rau.
Professor Salil Kanhere uas yog ib tug computer science researcher ntawm tsev kawm qib siab University of New South Wales tau qhia rau SBS News tias tej tswv yim dag neeg no tau ua rau tej neeg raug tej teeb meem no yuav kub siab heev.
"Pheej ua rau tej neeg tshai thiab xav tsis tawm thiab cia lawv txoj kev ntshai tswj lawv lawm. Ntxiv ntawd ces tej zaum yuav ua rau lawv pib ntxhawj thiab pib nrog tus neeg (phem) ntawd tham — thiab thaum yus nrog lawv tham lawm, ces yog tej yam nyuaj heev uas tsis muaj dab tsi cheem tau yus kom tsis txhob nrog lawv tham lawm.''
Kanhere tau hais tias yeej muaj tej neeg coob heev tej xov xwm ces yeej muaj peev xwm nrhiav tau yooj yim hauv online uas tej neeg phem muaj peev xwm siv tau coj los hawv los yog coj los ua kom yus ntshai, tsis hais tej duab ntawm yus lub tsev, los yog yus lub tsev ntawm lub tsev ntau tshooj uas yeej muaj peev xwm siv Google Maps cov Street View function ntawd.
Nws tau hais tias "Thiab thaum uas lawv tau tsim teeb mem rau ib tug twg lawm ces lawv yeej yuav tau txais tej kev hawv no, ces thiaj ua rau tej neeg txhawj heev vim rau qhov lawv yeej tsis xav kom ib tug twg pom ib daig duab ntawm lawv tej tsev. Ces tej neeg phem thiaj siv lub tswv yim cuam tshuam txog cov kev xav los tsim teeb meem rau tej neeg.''
Webcam scams
Cov kev dag kom tej neeg ntseeg tias lawv raug neeg phem nyiag nkag tau mus siv yus tej webcam nyiag saib yus yeej tsis yog ib co tswv yim tshiab dab tsi.
David Cook uas yog ib tug cyber security expert ntawm tsev kawm qib siab Edith Cowan University tau sau ib co lus ntawm the Conversation xyoo 2020 tias "yeej muaj ntau txheeb" tsab spam emails raug xa txhua hnub mus dag rau tej neeg tias lawv raug neeg phem nyiag siv tej webcam nyiag saib lawv.
Cook kuj tau hais ntxiv tias tej tswv yim ntxias dag neeg no yeej ''muaj peev xwm ua kom tej neeg phem tau nyiaj zoo heev'' vim pheej ua rau tej neeg raug tej teeb meem no ntshai tsam lawv tej xov xwm raug coj mus qhia rau zej tsoom paub.
Ib tsab email uas ib tug cyber criminal xa mus hawv rau ib tug twg uas ntaus lo lus 'scam' rau saum toj. Credit: Australian Competition and Consumer Commission Scam Watch
Neeg phem nyiag siv yus lub webcam - 'Camfecting'
Tej zaum tej neeg cyber criminals kuj yuav muaj peev xwm nyiag siv tau yus tej webcams thiab.
Li tej zaum yus mus download ib co malware — uas ua txoj dag tias yog ib co software tseeb tiag — ces tej neeg yuav ua rau tej cyber criminals muaj peev xwm tswj tau lawv tej twj, suav cov kev siv tej webcams nrog thiab.
Tej txheej txheem no ces yog tej uas peb paub thiab hu tias yog 'camfecting'.
Xyooo 2018 ces yeej tau muaj ntau caum tus neeg Australia raug neeg phem dag cuam tshuam nrog tej xwm txheej uas tej neeg phem nyiag yees yus duab yam yus tsis paub txog.
Ces tej neeg nyiag siv yus tej devices (hackers) thiaj muaj peev xwm nruab tej malware rau tej neeg tej comptuers li lawv ua txoj dag hauv online tias lawv yog ib tug uas pab tej neeg nruab tej twj technology siv.
Txuas ntxiv ntawd ces tej yeeb yaj kiab (videos) uas lawv siv tej webcams yees tau mam raug coj mus tso rau hauv YouTube tam li yog ib co pov thawm uas lawv yuav siv tawm tsam thiab hawv tej neeg yav pem suab tias yog ib co xwm txheej muaj tseeb tiag.
Txawm li cas los Kanhere tau hais tias ntau xyoo tsis ntev los no kuj siv tau tej xwm txheej camfecting nyuaj tshaj qub ntxiv lawm, vim cov webcams tshiab yeej muaj cov operating system uas qhia tej neeg siv tias puas tso cai los tsis tso cai siv webcams.
Nws tau hais tias "Kuv xav tias yuav laug txhua nrho tej neeg no yeej nug yus tias seb yus puas tso cai siv ib yam app twg, siv microphone thiab siv koob thaij duab los yog puas kam qhia tias yus nyob rau qhov twg. Ces kuj siv tau nyuaj zog lawm tab sis tej zaum tej neeg phem kuj yeej tseem muaj peev xwm siv tau thiab.''
Yuav pov puag yus tus kheej li cas kom tsis txhob raug neeg phem siv tej webcam ntxias dag yus
Yog xav tiv thaiv kom tsis txhob raug/tsis txhob muaj tej xwm txheej no tshwm sim ces tej kws hais kom yuav tsum siv tej passwords twv tsis tau yooj yim, thiab yuav tsum tau update tej antivirus tas mus li, los yog siv tej operating system software tshiab, thiab txheeb tej programs uas muaj peev xwm siv tau tej webcams thiab microphones.
Kanhere thiaj tau taw qhia kom tej neeg tsis txhob lam tau lam nyem rau tej links uas xa nrog tej emails uas yus tsis paub tuaj rau yus los yog tsis txhob lam install tej apps los yog softwares ntawm lawm cov vas sab los yog app stores uas yus tsis paub.
Nws kuj tau hais ntxiv thiab tias tej zaum tej neeg siv yeej muaj peev xwm qhia tau tias seb puas yog lawv tau nruab tau ib cov malware rau lawv ib yam twj siv twg yog thaum siv lawm ces pheej ua rau tej roj teeb tsis kav ntev lawm.
Ces ib txhia neeg thiaj li lo ntaub nplaum tshooj rau lub koob thaij duab kom tsis txhob muaj neeg nyiag siv thaij yus.
Txawm tias Kanhere hais tias tej no yeej yog ib co tswv yim zoo, los yeej tsis muaj peev xwm yuav pov puag tau txhua yam rau tej neeg siv thiab.
Nws tau hais tias ''Kuv tus kheej los yeej tau ua li tej hais ntawd ntawm kuv lub laptop thiab, tab sis kuj yeej paub tias yeej tsis muaj peev xwm yuav pov puag tau yus txhua yam thiab. Vim yeej tseem muaj lwm txoj xub ke uas tseem muaj peev xwm nruab tau tej malware thiab.''
Mloog tau hnub zwj Teeb (Thursday) 6 pm, hnub zwj Hnub (Sunday) 11 am, los yog koom tau ntxiv ntawm , , thiab . Downloadthiab caum
