Australia kuj tau qhia tias nws coj ib co visa tshiab uas siv ib ntus coj los siv, uas raug tsim coj los pab kom nrhiav tau tej neeg muaj txuj ci thiab paub ua hauj lwm kom ua hauj lwm ntev txuas ntxiv thiab siv tej neeg no coj los pab lub teb chaws no daws nws tej teeb meem nrhiav tsis tau tej neeg muaj txuj ci thiab paub ua hauj lwm txaus siv ntawm lub teb chaws no.
Ces thiaj tau coj cov visa hu ua Skills in Demand (SID) coj los siv txij hnub tim 7 lub 12 hlis ntuj [2024] coj los hloov daim visa hu ua Temporary Skills Shortage (TSS) (subclass 482) raws li lub tuam chav Department of Home Affairs tau qhia.
Thiab kuj yog ib cov kev pauv hloov rau cov skilled visa programs uas tsoom fwv tau qhia tias yuav kho kom yog ib co system vam meej uas yuav xub kub siab rau cov skilled migration.
Cov kev hloov kho no yeej raug teev rau hauv tsoom fwv cov tswv yim .
Tony Burke uas yog tus nom tswj lub tuam chav Home Affairs thiab yog tus nom tswj dej num tsiv teb tsaws chaw tau hais rau hnub zwj Hli (Monday) tau hais tias “Tam li ib tug tsoom fwv, ces peb yeej kub siab txog cov neeg tsiv teb tsaws chaw muaj txuj ci coj los pab peb tej neeg ua hauj lwm ua ke no los kuj txhawb nqa tej neeg kom muaj peev xwm hloov mus ua tau lwm yam hauj lwm thiab,''
"Cov visa program tshiab no thiaj yuav kho cov temporary thiab permanent skilled migration kom tsim tau kev vam meej ntev ntxiv tuaj thiab pab Australia nrhiav thiab cev tej neeg muaj txuj ci thiab tshaj lij tshaj plaws.''
Cov visa hu ua Skills in Demand
Cov SID visa no yuav pab ib tug tswv lagluam twg sponsor ib tug neeg ua hauj lwm muaj txuj ci thiab paub ua hauj lwm uas muaj cai to tau thiab muaj cai ua tau ib txoj hauj lwm twg yog tias tus tswv lagluam ntawd tsis muaj peev xwm nrhiav tau ib tug neeg Australia muaj txuj ci thiab paub ua tau txoj hauj lwm ntawd raws li qhov tsim nyog.
Tsoom fwv hais tias nws yuav pab ''txheeb tej xub ke uas siv tau yooj yim'' kom thov tau visa sai rau tej neeg tsiv teb tsaws chaw muaj txuj ci, thiab pab kom tej neeg ua hauj lwm muaj peev xwm hloov ua tau lwm yam hauj lwm thiab pab kom tej tswv lagluam muaj peev xwm nrhiav tau tej neeg paub ua hauj lwm thiab muaj txuj ci los ua hauj lwm.
Tej neeg muaj cai siv tau cov SID visa no muaj peev xwm nyob tau ntawm teb chaws Australia no 4 xyoos, hos tej neeg uas tau Hong Kong passport siv ces tej zaum kuj yuav muaj peev xwm nyob tau txog li 5 xyoos.
Ces thawj tug neeg uas thov daim visa no yuav tau them daim nqe visa txog li $3,115 thiab ib tug neeg twg ntawm nws tsev neeg nrog nws uas muaj hnoob nyoog 18 xyoos los yog hnoob nyoog tshaj ntawd los yog hnoob nyoog qes dua 18 xyoo ces tsuas tau them nqe thov visa txog $780. Txawm li cas los kuj yuav muaj lwm yam nqe ntxiv, suav cov kev them tej nqe xeem ntawv Askiv, nqe txheeb seb puas muaj mob thiab nqe ntawv txheeb tias seb puas yog ib tug neeg ua txhaum cai dhau los.
Daim visa 3 hom visa sib txawv li cov Core Skills stream, Specialist Skills stream thiab Labour Agreement stream.
Thawj hom ces yog tsim coj los siv daws tej teeb meem nrhiav tsis tau tej neeg muaj txuj ci thiab paub ua hauj lwm txaus los ua hauj lwm thiab los ua tej hauj lwm ntau yam uas khwv tau nyiaj theem nrab.
Tab sis tej neeg uas muaj cai siv tau hom visa no yuav tsum yog cov neeg twg ua tej hauj lwm raws li tsoom fwv tau kho tshiab li cov uas yog cov muaj cai tau txais kev sponsor ntawm ib tug tswv lagluam twg. Tsis tas li ntawd los lawv yuav tsum yog cov neeg uas khwv tau raws li tej nyiaj hauj lwm tau teev tseg (Core Skills Income Threshold - $73,150) tam sim no thiab mam li xam raws cov index ib xyoos twg.
Ces hom visa CSOL thiaj teev 456 yam hauj lwm, uas muaj cov hauj lwm txhim kho, ua liaj ua teb, cyber security, kho mob, kev kawm, raws li tej tsoom fwv lub tuam chav Jobs and Skills Australia tau qhia tias yog cov uas nrhiav tsis tau neeg txaus ua hauj lwm.
Ces thiaj ua rau muaj ntau pab pawg neeg muaj cov kev tawm tswv yim sib txawv, tsis hais muaj cov kev tib tsis pom zoo ntawm tej lagluam construction and trades rau tej hauj lwm tswj tej tshuab tooj tshuab hlau uas tsis raug teev nrog thiab.
Hos tham txog cov neeg paub ua ib co hauj lwm twg tsi ntsees (Specialist skills stream) ces yog cov neeg tsiv teb tsaws chaw uas muaj txuj ci siab thiab paub ua hauj lwm thiab khwv tau nyiaj ntau dua.
Tej tswv lagluam muaj peev xwm tos ib tug neeg twg ua tej hauj lwm raws cov list Australian and New Zealand Standard Classification of Occupations (tsis suab cov hauj lwm trades) uas khwv tau nyiaj hauj lwm ib xyoos twg txog li $135,000 raws li cov nyiaj hauj lwm Specialist Skills Income Threshold.
Cov visa 3 ntawm hom visa no ces yog tej neeg txawm ua tej hauj lwm uas tej tswv lagluam xav tau coj los ua ib yam hauj lwm twg tsi ntsees raws li tau muaj cov kev pom zoo ntiav dag zog.
Tsoom fwv kuj tau hais ib co ncauj lug rau ib co media release hais tias ''yuv siv cov Essential Skills' stream los hloov cov Temporary Skills Shortages (TSS) Labour Agreement stream tom qab tau sab laj nrog tej nom tswv xeev thiab lwm cov koom haum.
Lub tuam chav Department of Home Affairs tau hais tias tag nrho txhua cov kev thov cov visa TSS thiab tej ntaub ntawv xa thov visa uas tau xub xa ua ntej yuav siv cov SID visa hnub tim 7 lub 12 hlis ntuj [2024] ces mam li siv tej caij nyoog tau npaj raws li qhov tsim nyog los txheeb.
Ho muaj lwm cov kev pauv hloov dab tsi uas tsoom fwv tau qhia?
Nyob rau tib hnub zwj Hli (Monday) ntawd ces tsoom fwv kuj tau qhia tias yuav siv cov National Innovation visa coj los hloov cov Global Talent visa tam li yog cov ''program uas tsuas caw tej neeg tsiv teb tsaws chaw uas muaj txuj ci siab uas yuav pab tau ib yam dab tsi tseem ceeb'' los pab tej lagluam li pab tej technology tseem ceeb, pab cov hauj lwm renewable energy thiab pab cov hauj lwm kho mob/noj qab haus huv.
Thiab cov visa no yog ib co visa siv tau ruaj rau tej neeg uas yeej raug zejzog pej kum haiv lees paub rau ib co hauj lwm lawv muaj cai ua twg.
Ed Husic uas yog tus nom tswj hauj lwm Industry and Science tau hais tias: ''Ntiaj teb yeej sib tw nrhiav kom tau tej neeg ua hauj lwm science thiab technology tshaj lij tshaj plaws kom thiaj pab tau lawv tej lagluam kom tau txais txiaj ntsim tshaj plaws; tej visas tshiab no yuav pab kom Australia nrhiav tau tej neeg los koom tes ua hauj lwm ua ke los yog los pab peb tej kws teeb txheeb uas ua tau hauj lwm zoo heev hauv ntiaj teb.''
ces tej neeg uas thov cov visa On-hand Global Talent thiaj yuav tau txais kev kub siab loa txheeb lawv tej ntawv thov visa nrog rau lwm yam visas uas tsoom fwv yuav xub xub kub siab txheeb ua ntej.
Tej xov xwm qhia ntawm zaj dab neeg no tsuas yog ib cov qhia ua kev paub xwb. Thiaj tsim nyog koj yuav tau mus ntsib ib tug migration agent uas muaj ib co kev taw qhia tsi ntsees kom haum raws li qhov koj xav siv.
