Joshua Van hi UFC Flyweight division zuamnak ah top 15 lut kho dingin a zuam cuahmah lio ti cu ahopoah nih kan theih dih mi a si.
Thawngpang hlattu nih biahalnak an rak tuah lio ah khan top 15 ah a um mi he i thongh ka duh tiin Joshua Van nih a rak chim.
A chim ning tein Cody Durden he UFC 310 ah an i tong i, zapi nih kan theih cio bang Joshua Van nih teinak a hmuh.
Cody Durden hi ranking ah top 14 ah a um lio mi a si.
Cody Durden le Joshua Van an i thonghnak zoh tikah a round 1nak cu Cody nih Joshua cu kuhreh deuh, tlaihkih deuh in a zuan hnawh. Aho ngaingai nih a hneh deuh ti thei loin an um.
Cody i a coach le te nih a chimnak ah cun a round 1 nak cu Cody nih tei deuh in a chim.
Asinain, Joshua nih a chim ve ningah cun Cody a cawlcangh deuh khawhnak hlei a um lo, a ka thluk khawh ko nain a ka thlu thai kho lo a ti.
An i thongh dih hnu ah biahaltu pa nih aho he dah i tong usih ti na duh tiin a hal i, Joshua nih top 10 a um mi silole top 5 ah a um mi he i tthongh tiin a leh.
Atu tan i teinak a hmuh hi a biapi ngiangai, ranking ah a kai khawh duahmah nak ding caah a bawmtu a si.
A round 2nak le round 3nak zoh tikah Cody a duhning in a cawlcang kho ti lo. Joshua nih voi tam ngai te a khenhmi zong hmuh khawh a si.
An i thonghning record zoh tikah Joshua nih voi 173 tluk a khenh timi zong kan hmuh khawh. UFC Flyweight division tuanbia ah rikhawt thar a tial.
Biachahnak a tuahtu hna (referees) biakhiahnak in Joshua Van nih Cody Durden cu a tei.
