Mi cheukhat cu thil pakhatkhat tuah kan i timh tikah caan a um rih ko tiin a daithlang mi, a nile caan naih khawh chung naih ah thil tuah a hmangmi kan um theo. Online in cah ding le a tlai cang tung, pawngkam dawr hna ah an herhmi an zuar lai le zuar lai lo kong buai nak in dawr an khar le khar lo ding theih kha thil biapi ngai ah a hun cang.
Dec 25, Christmas ni ah cun Australia pumpi huap in chawdawr, ei din dawr le zei bantuk dawr an va si ah a tam deuh cu khar an si lai. Cucaah, a khar ding le khar lo dingmi dawr pawl theih cia kha a rak biapi ngai ve.
Australia rampi huap in minung thong tampi nih Khrih chuah camtuak, Dec 25 Christmas ni an lawm lai. Nain, Australia milu relnak ah Khrihfa a timi hi a cheu hmanh an tling lo, cu nih a langhter mi cu, mi tam u caah cun ni dang he a dan nak a um lai lo nain a dang mi belte cu dawr a hungmi a tlawm lai.
Cheukhat caah theihtha a si mi, khi ni ah a hung dingmi dawr pawl, rawl dawr, ei din dawr, chawdawr an si ah mipi nih thil an cawk khawh nak ding pawl cu a tanglei ah kan rak langhter lai.
Krismas ni ah zei dawr pawl dah an on hna lai?
Kristmas ni caah chumchuan ding na timhmi a um i, na herhmi ttomtam pawl kha tha tein na zoh cia, na ngeih le ngeih lo timhtuahnak tha na ngeih cia a herh. A ruang cu, Dec 25 Christmas ni ah Woolworths, Coles, le Aldi cu rampi huap in khar an si lai.
Woolworths le Coles cu Kristmas thaizing, Boxing Day in an hun than colh lai. South Australia ramkulh belte ah cun Boxing Day zongah an khar lai. Aldi zong hi ramkulh pakhat le pakhat an I khat lo, a cheukhat ramkulh ah cun an hun te ko lai.
Planning to do your grocery shopping on 25 December? You'll probably run into some trouble. Source: Getty / Quinn Rooney
Cun, rampi huap in 7-eleven le Petrol Station (Datsi dawr) ngan deuh poah cu Christmas ni ah dawr an on te lai.
Westfield Shopping Centre (Mall), Bunnings, Kmart, BigW, Target, Myer, IKEA le David Jones hi Dec 25 ah a khar dingmi dawr pawl an si.
Kristmas ni ah Beer silole Champagne he tiin hawikom rual he tonnak tuah dingin timlamhnak nan ngeih si cun, tuan ah nan din dingmi pawl kha tlamtling tein nan I cawk cia a hau lai.
A ruang cu, zu dawr tam deuh cu khi ni ah khar dih a si lai. Zu dawr cheukhat BWS le Dan Murphy belte hi cu nan umnak ramkulh nih a ngeih te lai.
Krismas ni ah bank pawl hun an si lai ma?
Kristmas ni le a thaizing Boxing Day ah bank ngan mi poah an khar dih lai. Pumpak pakhat cio nih kan hman mi bank kha zeitik dah an on than lai timi cu online in kanmah tein kan hlathlai a hau lai.
Online hmangin tangka na kuat a si ahcun, bank nih tangka na kuat mi kha Public holiday ah cun an in tawlrel piak lai lo, dawr an hun than tikah a lut te lai.
PayID silole Osko in tangka nan kuat ah cun dawnkhantu um loin a lut ko lai.
Krismas ni zei bantuk rawl dawr pawl dah an on hna lai?
Rawl dawr le lakphak dawr on caan hi Christmas ni ah a dang cio kho mi a si. Dawr tam deuh cu dawr an si tawn nain a khar lo mi zong an rak um ve thiamthiam. A cheukhat dawr cu Chun caw le zaan riah caah cah khawh dingmi rawl phun an mah nih timhlamh cia mi lawng a zuar mi zong an um. Cucaah, a tha cem mi cu nangmah tein na kal duhnak ding dawr kha pehtlaih ah a tha bik.
Rampi huap in MacDonald le Hungry dawr tam deuh cu hun an si te lai. Pizza a tlaihchanmi na si ahcun Pizza Hut le Domino dawr zong on an si te lai.
Arsa a tlaihchan mi na si belte ah cun KFC dawr tam deuh cu khar a si te lai, an onnak dawr zong cu a va um kho men nain a tlawm lai. Cun, Red Rooster dawr zong a ong mi a tlawm lai.
Palace Chinese in Sydney's CBD is a Cantonese restaurant that remains open for yum cha on Christmas Day. Source: Supplied / Katrina Ma
Siikhan le ngandamnak lei i zohkhenhnak
Rian tuan caan a dih hnu zongah mi zaw a zohkhentu le inn ah mi zaw zohkhenhtu siibawi pawl cu Christmas ni ah pehzulh in rian an tuan ko lai. Nunnak caah tihnung a si lem lo mi, cun a suk a pah a khawngdeng mi hna ca zongah pehzulh in rian an tuan ko lai. Nunnak caah ral a si kho mi thil nan ton sual si cun 000 chawnh ding, silole siizung ah kal ding.
Haa sikhan cu rampi huap in rian an tuan thiamthaim ko lai.
Sii cawk na herh sual si cun tuan ah na cawk cia ah a tha a ruang cu sii dawr tam deuh cu dawr an khar te lai.
