United States ram hruaitu thar thimnak ding caah thimfung an thlak mi cu tlamtling tein rel dih a si cang tiin tuanvo ngeitu nih thawng an thanh.
Thimfung an thlakmi a phichuak zoh tikah khuaruah har in Donald Trump nih teinak a hmuh. Ram hruaitu si khawhnak ding caah lai a rel biktu hna ramkulh pasarih (7 Swing states) ah Donald Trump nih teinak a co dih.
2016 lio thimnak ah khan Donald Trump nih Arizona ramkulh ah thimfung tling a rak hmu nain, 2020 thimnak ah cun Joe Biden nih Arizona (Laireltu) ramkulh ah thimfung tling a rak hmuh caah Joe Biden nih teinak tling rak hmuhnak kha a si. Arizona ramkulh ah thimfung 11 a um caah a biapit khunnak hi a si.
Thimfung a tam biknak hmun le teinak hmuh nak ding caah lai a rel biktu ramkulh paruk Donald Trump nih a hui dih mi hna cu Pennsylvania, Wisconsin, Michigan, North Carolina, Nevada le Georgia hna an si.
Trump, ram hruaitu dirhmun ah a phak khawh than nak ding caah thimfung 270 a hmuh a hau, nain mipi nih thimfung an tlakmi a phichuak zoh tikah thimfung 312 tluk a hmuh. A zuamcawhtu, Democrats aiawhtu Kamala Haris cu thimfung 226 lawng a hmuh tiin tuanvo ngeitu nih thawng an thanh.
Republicans ramkhel phu nih thutden vialte an hui dih hnik
Senate ah cozah dirh khawh nak ding caah thuden 50 nak tam hmuh a hau i, Republican lei nih 53 an hmuh cang. Cucaah, Senate cu Republican nih an hruai lai a fiang cang.
Tuanvo ngeitu nih an chim ningah cun House of representatives zong Republican ramkhel phu nih hruai ding phun in a um an ti, thuden 218 a um i Republican lei nih 213 an hmu cang. Democrats lei nih 203 lawng an hmuh rih.
LISTEN TO
Trump is returning to the White House: experts weigh in on why, how and what it could mean
SBS News
07/11/202409:18
