今年6月9日SBS电台庆祝广播45周年， 我哋亦好高兴大家系陪伴咗我哋咁长嘅日子。
不过，唔讲大家可能唔知，就系当年成立嘅时候，主要系以15种社区语言， 特别系一啲欧洲嘅语言开始，而且，成立嘅主要目的，系帮政府宣传同向移民解释政府嘅新医疗保健计划「国民保健」Medicare。
当时执政嘅工党魏德仑政府嘅社区关系专员格拉斯比（Al Grassby）喺1975年6月9日正式宣布电台嘅成立。当时，我哋SBS电台仲系叫2EA， 而墨尔本方面就系3EA， 当时电台只系打算运作三个月，而经费就只有3万8千蚊。
不过，呢个以不同语言服务社区嘅意念，在移民社区系好受欢迎，同时，对电台嘅需求亦不断咁增长。并且慢慢增加至以41种语言进行广播。 而当时啲广播员都系志愿人士，渠哋来自各行各业， 有学校嘅老师、社会工作者、医生， 亦有新闻嘅工作者。现时，我哋SBS电台嘅广播语言数目经已超过60种， 到咗1994年澳洲日，SBS电台亦正式进行全国嘅广播。 讲起志愿广播员，我哋今集【大众论坛】，亦好高兴请嚟我哋广东话组嘅前组长李润辉先生, 同大家一齐同我哋回顾SBS电台过去45年嘅趣事，亦有很多听众打电话入嚟同我哋讲吓对SBS电台以及广东话节目嘅睇法，有唔少听众系同我哋SBS电台一齐长大，多谢大家听众朋友嘅支持同鼓励。
在澳洲，所有人必须保持至少1.5米的社交距离。在室内场所，必须保持每人至少有4平方米的空间。
如怀疑感染新冠病毒，请致电家庭医生求助，切勿直接前往医院或诊所。如有需要，请拨打 1800 020 080 致电「全国新冠病毒健康资讯热线」。
如遇呼吸困难或紧急医疗事故，请立即致电000。
