Key Points
- Yu no mas sakem ol rabis klos blong yu long recycling bin
- Samfala stoa oli save akseptem ol olfala klos long eni kondisen blong oli saveh recyclem
- Taem ol klos weh yu donatem oli no mitim sam standard, bambae oli save sakem long dumpsite.
Fashion industri hemi wan long ol bigfala industri weh I kontribute bigwan long pollution. Fashion Kaonsel blong Ostrelea hemi reportem se long average, yumi pem samples 56 new pieces blong klos long evri yia.
Wetem ol niufala trend weh I stap happen naoia, fashion industri oli stap stap hariap blong catch up wetem ol niufala trend long fashion, wetem hemia, oli traem blong producum fulap mo klos. Tinktink ia oli mekem nomo blong encouragem ol kastoma blong oli kontinu blong pem ol niufala klos evritaem, hemia I minim tu se ol klos weh yumi pem oli save damage hariap nomo, o yumi les blong werem from hemi kam wan olfala style.
Recycling bin hemi no ansa
“Goldern Rule hemia ia, no usum recycle bin blong yu blong putum ol klos, shoes, pis kaliko, bed sheet mo tawel mo eni narafala kaen klos bakeken, from oli save fas long machine mo mekem se machine bae oli no save wok,” explains Rebecca Gilling, CEO blong Planet Ark.
Yumi no saveh putum ol pis blong klos long recycle bin from nomo se samtaem oli save fas long masin mo oli save mekem ful masin blong no save wokRebecca Gilling, CEO blong Planet Ark
Yu save bukum wan koleksen sevis onlaen. Blong wan smol fi bae wan bisnis I save tekem ol rabis klos blong yu mo arangem blong oli save recyclem o reusum bakeken.
Source: Moment RF / Andrew Merry/Getty Images
Donatem olfala klos long ‘op shop’
Wan narafala opsen tu hemi yu save donatem ol klos weh yu nomo wantem I go long wan charity. Hemia I fri nomo, yu save go dropem long wan charity stoa – o wan ‘op shop’ o yu saveh putum insaet long wan charity bin long shopping senta o shopping distrik blong yu.
Ol op shop yu saveh faenem long plante ples long Ostrelea, oli generatem kolosap billion dollars blong income hemia tru long sale blong ol klos weh ol man oli donatem.
“Yumi no wantem ol man blong donatem ol samthing weh oli brokbrok o oli nomo saveh usum, from hemia bae yumi sendem i go long landfill, mo hemia i costem mifala bigwan,” Ms Gilling i talem.
“Ol charity oli spendem $13million long wan yia blong sakem aot ol rapis klos weh planteh man oli kam sakem long ol bin.”
Omer Soker hemi stap olsem CEO blong Charitable Recycling Ostrelia, hemi talem se I gat wan simple tes weh yu saveh mekem blong save wanem blong sendem I go long charity stoa o klos bin.
sapos yu no save kivim long wan fren o famili, plis no kivim long charityOmer Soker, CEO blong Charitable Recycling Australia
Bae yu luk ol popula charity stoa olsem , mo samfala narawan tu olsem:
- Salvos
- Vinnies
- Australian Red Cross
- Save the Children
- Lifeline
- Anglicare
- Brotherhood of St Laurence
Long Websaet mifala gat tu wan impact reuse calculator weh yu save typem donesen weh yu stap kivim o ol samthing weh yu stap pem, mo bae hemi kivim wan enviromen impact long saet blong carbon emission weh yu stap savem mo tonnage blong hem tu.
ol Wolma oli stap sortem aot ol klos long St Vincent de Paul Society, wan bigfala charity blong recycliem klos, long Sydney. Source: AFP / PETER PARKS/AFP via Getty Images
Dropem ol klos blong recyclem
Sapos klos weh yu nomo usum hemi no pasem friend-test, then nekis opesen se yu dropem off long wan recycling ples.
I gat sam bigfala retail stoa weh oli stap ranem wan recycling program blong ol klos weh ol man oli nomo wantem. Sam bae oli saveh karem ol shoes tu mo ol narafala samthing bakeken.
Ms Gilling i talem se “H&M hemi gat wan fri recycling prokram tu long samfala stoa blong hem blong ol kaen klos mo textile long eni kondisen. Long semak fasen tu, Zara tu I gat fri textile koleksen prokram tu long samfala stoa blong hem. Uniqlo tui I gat wan fri recylcling program blong Uniqlo brand nomo long eni kaen kondisen. Mo Patagonia I gat wan trade in program weh ol kastoma I save karem I kam long stoa taem ol klos oli olfala o damage, mo bae oli save kivim wan stoa kredit.”
Attendem wan klos-exhange event
So sapos yu stap lukaotem wan ples blong updatem wardrobe blong yu, traem exchangem klos.
Naoia weh Klos exchnage prokram oli kam popular, ol bisnis haos, kampani mo ol kaonsel oli stap wok wetem ol profesonal event host olsem ‘The Clothing Exchange’.
Adam Worling I stap olsem wan Kansela blong Sydney.
Ol hangem ol klos long hanga. i gat ol diferen kaen klos mo hanga long wan klos exchange parti. Source: Moment RF / Marissa Powell/Getty Images
Sapotem circular ekonomi
Hemi important tu blong tinkbaot laef-cycle blong ol klos. Charitable Recycling Ostrelea hemi gat Wan tag line blong ‘circular economy’ tinktink blong daonem blong peem niu samthing, mo reusum mo recycle wanem weh yumi gat.
hemi impoten blong yu kam wan gud steward blong lukaotem gud wanem weh yu gatOmer Soker, CEO blong Charitable Recycling Australia
“Hemia I minim nomo se yu pem ol samthing nomo weh yu rili nidim, tekem kea long ol blong oli save stap long taem, repairem beh sapos yu nid blong sakem, tekem mo donatem long wan charity blong I faenem wan niufala hom blong hem sapos hemi stap long gudfala kondisen. O sapos I stap long rapis kondisen mo yu mas sakem, faenem wan stret rod. Hemia I blong mekem yumi tekem gud kea long ol samthing, tekem kea long klos mo mekem sua se yu stap donatem long wan stret fasen,” Mr Soker says.
