Key Points
- I gat samfala strongfala rul blong ol bisnis pati, mo sam sosol gathering tu oli folem samfala kaljaorl rul we ol hosts mo ol guests oli mas folem.
- Long Ostrelia, hemi wan kastom blong mas karem wan smol presen taem oli invaetem yu I go long wan haos pati, hemia hemi wan fasen blong respect.
- Ol pati blong ol pikinini tu i gat samfala kaljarol rul we oli mas folem, olsem blong kivim wan smol presen long pikinini we I stap hostem pati ia.
Ol betdei blong ol pikinini, ol dina mo ol nara kaen kaekae bakeken oli stap tekem ples evri taem long Ostrelia.
Be blong organisem ol samthing olsem hemi stat wetem ol samthing olsem, jusum wan stret taem mo dei.
Ostrelian gathering ia we oli singaotem ‘barbie’ hemi wan barbecue we I stap hapen fulap nao long ol pablik holidei o long ol wiken.
Taem yu attendem wan bisnis kaekae, Ms Hardy i advisem strong se yu mas save stret time blong yu finis mo go bak long haus. Credit: xavierarnau/Getty Images
"Hemi wan taem blong mekem barbecue aotsaet, mo karem tugeta wan grup blong ol frens oli kam tugeta blong relax mo enjoy, hemi wan informal pati." Ms Hardy i talem.
Beh, hemia i no semak long ol bisinis pati, samthing olsem ol Kristmas pati.
Yumi mas tinkbaot se hemia hemi bisinis, mo hemi no wan sosel lafet. Hemi gud blong luk hamas alcohol yu drink, from nomo se hemi save afektem yu wan. Mo hemi impoten tu se yu mas werem wan klos we i stret. Mas mekem sua se dress ia hemi no shot tumas mekem sua tu se shirt blong yu i no mas hang hang olbaot.Zarife Hardy
Hemi talem tu se hemi impoten blong mentainem wan professional attitude truaot long taem ia mo tekem taem blong toktok wetem evriwan long wan fasin we hemi respectful, olsem blong no tokbaot nogud ol colleague blong yu mo boss blong yu.
Be long saet blong haos pati, even sapos hemi wan casual event, i gat samfala impoten rul we hemi impoten blong ol host mo guests oli follem oltaem.
“Fes wan mo bigfala impoten wan nao hemi, yu mas tinktink se who stret bae yu stap invitem, yu mas tinkbaot blong jusum wan grup blong olgeta weh bambae oli mix gud,” Ms Hardy hemi talem.
Mekem redi ol samthing, hemia hemi key blong host i mekem sua se evriwan we hemi invaetem olgeta, oli feelim se oli gat wan gud taem.
“Yu mas mekem sua se taem ol guests blong yu oli kam, yu mas mekem time blong toktok long ol, hemia blong mekem sua nomo se yu no stap nomo long kijin, o bisi blong stap setem ap ol tebol," hemi talem bakeken.
Blong mekem sua nomo se ol drink oli redi, blong kivim olgeta wan gudfala halo, mo blong joinem olgeta long ol storian mo introdiusum ol difren pipol we oli kam, blong mekem se oli saveh olgeta mo mix gud.Zarife Hardy
Blong ol visita, blong kam wetem wan empti-hand long haus blong wan man hemi no wan gudfala samthing.
Sam Sharma, hemi faonda mo CEO blong Ovasi Studen Ostrelia, hemi talem se hemi wan gudfala praktis blong kam wetem wan smol presen taem yu kam long haus blong wan man we i invaetem yu, wan smol samthing olsem wan botel wine, wan snack, o wan sweets.
“Hemi wan gudfala samthing tu blong mas askem host blong yu, sapos i gat wan spesefik samthing hemi wantem yu blong karem i go long haus pati. From hemi wan bifala samthing blong hostem wan pati mo sapos yu karem wan samthing blong help aot bae i save mekem hemi isis long hem olsem wan host,” Mr Sharma i talem.
Sapos i gat sam kakae we oli no kaekae i go kasem taem haos pati i finis, hemi wan normal kastom blong oli kivim sam kaekae long yu long wan plastik container. Beh hemi no gud blong asekm, hemi mo gud blong host blong haos pati nao i suggestem tinktink ia be i no yu. Source: Moment RF / Sergey Mironov/Getty Images
“Long Ostrelia, blong kam long taem hemi wan bigfala impoten samthing tumas mo hemi impoten tu long taem blong wan haos pati. So hemi gud se yu no mas kam late, from nomo se, i gat wan gud janis tu se kaekae i save finis! Yes hemia i save happen,” Mr Sharma i talem.
Hemi wan gud fasen tu blong kivim sapot tu long host blong haos pati.
“Sapos yu save helpem host long saet blong cook, o blong setem ap tebol, o blong klin ap, sapos yu save mekem hemia, bae hemi appreciatem bikwan. Mo hemi gud tu blong talem tankyu bifo yu aot blong go, taem pati hemi finis.”
Olsem wan intanasonal studen, Mr Sharma hemi kam long Ostrelia 17 yia finis i pas mo hemi lanem fulap slang mo terminologies weh oli associatem wetem ol Ostrelian fasin blong pati.
Hemi sharem samfala basic Ostrelian slang:
- Bubbles = sparkling wine
- BYO = Tekem kam wan drink blong yu [drink]
- snag = sosej (sausage)
- bring a plate = Askem ol guests blong kam wetem samfala kaekae blong sharem tugeta
"Sapos yu gat samfala kaekae we yu allergic long ol or gat samfala dietary rikwaemen, hemi wan gud praktis blong mas talem aot bifo or hemi mo gud se yu priperem wan samthing we i mitim ol nid blong yu," Mr Sharma i talem.
“Taem yu RSVP, i gat hae janis blong oli save askem yu sapos yu gat allergies o sapos yu gat samfala rikwes, olsem vegan, vegetarian, no gat gluten, so hemi gud se yu letem oli save early."
“Sapos no mi stap advisem fulap se, hemi mo gud blong yu cookum wan kaekae long haus weh i stret long yu mo yu karem i kam. MI attendem ol kaen pati olsem fulap taem finis so mi save gud seh sometimes ol host oli harem nogud sapos oli nogat wan kaekae we yu save kaekae," Mr Sharma i talem.
Ol Betdei pati oli gat long wan venue, so hemi propa blong evri guest oli pem own kaekae blong ol, unless host hemi offerem se bae hemi pem, Mr Sharma i talem. Credit: Thomas Barwick/Getty Images
Pati blong ol Pikinini
Plante taem, host nao i tekem responsibiliti ia blong manejem ol kaekae blong ol pikinini long ol pati blong ol pikinini.
Sonja Herzberg, hemi wan mama blong tu pikinini mo hemi stap long Melbourne, hemi kivim smol lukluk blong hem long saet ia.
“So oli expectem yu blong providem kaekae blong ol pikinini mo olgeta papa mo mama blong olgeta. So hemi impoten se yu askem ol dietari rikwaemen blong olgeta, mo putum aot wan smol saen we i tokbaot wanem kaen kaekae nao bae oli kaekae."
“Mo hemi no wan wrong samthing blong host blong providem beverage blong selebratem taem ia, samthing olsem sparkling wine mo blong olgeta weh oli gat bel, sam sparkling juice,” Ms Herzberg i talem.
Ol Carers oli responsible blong supervisem ol pikinini we oli ol guests long betdei blong ol pikinini. Credit: Jason Edwards/Getty Images
Ms Herzberg hemi talem se i gat samfala typical Ostrelian pati kaekae we hemi gud blong pati blong ol pikinini mo hemi budget-friendly.
“Yu save gat fairy bread nomo, o yu save go long wan extreme level mo hirem wan catering blong provaetem ol kaekae. i gat fulap opsen, mo mi never luk se ol man oli no wantem ol kaekae we oli provaitem."
“Fairy bred hemi wan Ostrelian tradition. Hemi 100s’ o 1000s’, sprinkles we oli putum long wan buttered waet bred mo bred ia oli katem long wan diamond shape. Be sapos no, pati pies tu, wan narafala Ostrelian tradition hemi wan narafala gudfala opesen,” Ms Herzberg i talem.
Hemi wan common praktis blong ol host parent blong oli preperem smol smol presen we ol pikinini oli save tekem wetem olgeta oli go bak long haos.
Ms Hardy blong Ostrelian Skul blong Etiquette hemi advaes se i no wan gud praktis blong pem ol expensive presen long wan pati blong ol pikinini. “Yu no nid blong showem status blong yu or provum yu wan taem yu stap pem ol samthing we oli expensive.” Credit: Nick Bowers/Getty Images
hemi talem se wanem yu kivim hemi showem se yu kivim respect ia.
“Blong ol pikinini weh oli stap celebratem betdei blong ol, hemi no wanem we oli tekem olsem presen, beh hemi impoten se oli enjoyem olgeta wetem ol frens blong olgeta. Beh sapos oli karem ol expensive presen then hemi gud tu, beh bae oli no save tinkbaot ol presen ia, be gudfala taem we oli gat long betdei pati," Ms Herzberg hemi talem blong concludum toktok blong hem.
