Storian Blong Mi: Fesfala Vanuatu Aviation Instrakta long Philippines

Long nambatu Episod blong Storian Blong Mi long SBS Bislama, bambae yumi storian wetem wan man Vanuatu we I stap wok olsem wan instrakta long wan aviation skul hemia long Subic, long province blong Zambales, Philippines.

Hosea Alex Keinoho hemi kamaot long aelan blong Tanna, hemi long area blong whitesands. Ever since taem hemi smol, hemi se mama blong hem hemi gat wan bigfala influence long laef blong hem, hemi se eventhough mama blong hem I no bin go long skul, beh hemi askem hem mo pushum hem blong kwestenem plante abaot wanem kaen wok long fiuja nao hemi wantem mekem olsem wok blong hem.

So, mi talem long mama blong mi se taem mi bigwan mi wantem kam wan tija, wan army, musician, politician, lida long jej, mekanik, mo mi wantem kam wan pilot blong plen, Keinoho I talem.

Ol papa mo mama blong tede oli mas tekem taem blong trainem ol pikinini blong olgeta blong oli mas be goal oriented

Hosea Alex Keinoho

Wetem olgeta drim wok blong hem ia olsem ol goal blong laef blong hem, Keinoho hemi statem skul blong hem long Tanna mo pass I kam long Port Vila. Long Port Vila hemi manej blong fulfilim plante long ol drim wok blong hem be hemi no forgetem las fala drim wok blong hem blong kam wan pilot.

So long 2007, hemi finisim stadi blong hem long Agence Universitaire de la Francophone (AUF) mo hemi kasem wan Vanuatu government skolasip blong go stadi from pilot long wan aviation we oli singaotem Air-link, hemi long Manila, Philippines long 2010. We I lukim hemi manej blong finisim stadi blong hem long aviation skul ia mo kambak long Vanuatu.

Afta sam taem long Vanuatu, Hosea Alex Keinoho hemi stap tede long Subic Bay long Phillippines mo hemi kontinu long wokbaot long saet blong drim wok blong hem. Eventough hemi stap long we long Vanuatu, hemi se hemi kontinu blong kivim sapot blong hem long Vanuatu. Wan long ol lates samthing we hemi stap assistim Vanuatu wetem hemi blong konektem Vanuatu gavman wetem wan university long Philippines we oli singaotem Manila Times University we oli stap lukluk blong statem wan branch blong olgeta long Vanuatu afta long signing blong wan memorandum of understanding wetem Vanuatu ministry blong health.

Lastly, Hosea Alex Keinoho I talem se education I nogat end blong hem from ol samting oli jenis evri dei mo mekem se yumi mas kontinu blong lanem ol niufala samting. So hemi stap inkarejem ol yangfala blong mekem use long taem blong olgeta blong oli kontinu blong educatem olgeta wan wan, from olsem long hem, wanem we hemi bin drim from, hemi fulfilim goal ia.