Kavman blong Ostrelia I provaetem wan amaon blong $800,000 blong sapotem Kvaman blong Vanuatu wetem immediate response afta long tropical cyclone Lola.
Confirmation blong sapot ia I kamaot long wan joint press release long Satede namba 29 dei blong manis blong Oktoba 2023. Minista blong Foren Afea Hon Penny Wong mo Hon Minista blong Intanasonal Developmen mo Pasifik, Pat Conroy tufala I talem se b ae mane ia bae provaetem ol impoten samthing olsem ol shelter kit, ol wota purification saplae, mo ol narafala samthing bakeken we kavman blong Vanuatu I bin listim olsem ol priority afta long TC Lola. Funding ia bambae I sapotem tu ol Ostrelian Humanitarian Patnasip wetem ol Ostrelian NGO long wok blong ol blong kivim sapot I go long ol komuniti we TC Lola I damejem ol.
Ostrelia hemi praod blong stap olsem wan long taem patna blong PasifikMinista blong Intanasonal Developmen mo Pasifik, Hon Pat Conroy MP
“Ostrelia hemi praod blong stap olsem wan long taem patna long Pasifik long ol taem blong Disasta olsem ia. Mifala I save se hemi wan had taem mo mifala I muv kwik taem blong kivhan blong help blong minimisem eni kaen long-term impacts.”
Sapot ia I kam olsem wan ongoing sapot we Ostrelia I stap kivim long ol Pasifik komuniti mo kavman raon long region, hemia long saed blong mekem redi mo ansa long taem blong wan disasta.
Long saed blong sapot ia tu I luk Royal Ostrelian Air Force I sapotem Vanuatu kavman wetem ol aeriel assessment blong ol damej we TC lola I mekem, mo bae oli stap help tu long saed blong deliverem ol humanitarian relief saplae.
Ostrelia I stap wok kolosap wetem Franis mo Niu Zilan hemia thru long FRANZ humanitarian sapot, sapot blong trifala patna ia I kam long rikwes blong ol pasifik aelan kantri.
Ol kavman long Pasifik oli save rely long Ostrelia olsem wan memba blong Pasifik familiMinista blong Foren Afea, Hon Penny Wong
페니 웡 외무장관 Source: Getty
“Long taem blong crisis, ol pipol mo ol kavman long Pasifik oli save rely long Ostrelia olsem wan memba blong Pasifik famili, blong kivhan long ol.”
Ostrelia I stap showem ol taem se hemi wan tru fren mo patna long ol aelan kantri long Pasifik taem oli stap long neeed mo bambae I kontinu blong kivim sapot long Kavman mo pipol blong Vanuatu blong bildim bak kantri blong I kam gud bakeken.
