Key Points
- Kraon hemi wan pat blong ol Fes nesen pipol, hemi identiti blong olgeta
- Ol storian oli konektem olgeta wetem mama kraon
- Taem yu visitim ol tambu ples, yu save luk save impotens long ol Fes nese pipol
Aunty Deidre Martin, hemi wan Walbanga [[Waa-ban-jaa]] woman blong Yuin [[You-Win]] Nesen, olsem wan rispekted lida blong komuniti mo wan Aborijinol ranger we I stap wok wetem Nasonal Park mo Wael Laef Sevis long Dharawal [[Da-reh-Wool]] Kaontri long New South Wales.
Hemi talem se kraon hemi no wan samting we yu save ownem, be hemi wan impoten pat blong yu mas tekem gud kea long hem.
kraon man I no save ownem. Kraon hemi kivim yumi kaekae, wota, mo hemi haosem yumi.Aunty Deidre Martin
“Kraon hemi wan toktok nomo, be hemi stap long blood blong yumi, hemi fes fala win we yumi pulum blong kivim laef mo las fala win we bae yumi tekem bifo yumi ded.”hemi talem.
Aunty Deidre Martin hemi wan Aborijinol discovery ranger. Credit: Aunty Deidre Martin.
“Spirituali hemi koneksen blong mi, blong save kantri blong yu. Olsem wan eksampol, taem mi stap travel long Sydney, taem mi kasem kiama bend, mi lukluk I go long coast, mi feelim save se hemia ples blong mi, hemi homples blong mi.”
Desmond Campell hemi wan praod Gurindji [[Ghuh-rin-jee]] mo Alawa-Ngalakan [[Ala-Wa, Naal-can]] man blong Nothern Territory mo CEO blong Welkam long Kantri, wan organisesen we I stap wok blong helpem ol Aborijnis mo Torres Strait Aelanda blong impruvum wealth mo Sakses blong ol.
Hemi kivim ol semfala tinktink taem hemi stap kambak long homples long kantri.
“Taem yu stap ron long kantri saet, yu luk lan mak olsem ol hill mo tree hemi stap talem long yu se yu stap kam kolosap long haus nao. Just blong tinkbaot mo tokbaot olsem ia we naoia mi stap long Sydney hemi mekem mi stap filim homsik finis. Ol kaen samting olsem ol smell mo taste, olgeta we bae yu go visitim ol, ol friend we bae oli no save lego yu.”
Hemi talem se hemi wan ples we yu save feelim safe oltaem.
"Mi feelim hapi tumas. Even sapos mi no bin kro-ap long we, hemi olsem we mi stap long we yestede nomo, evri taem mifala go long we. Hemi wan ples we mifala save. Mo hemi mekem yu feel safe ol taem. Olsem wan ples we hemi mekem yu feelim safe blong stap olsem wan Aborijinis man, yu save toktok long lanwij blong yu mo evriwan oli save wanem yu stap talem."
Mr Campbell hemi talem se hemi impoten blong hemi mas stap go bak long homples blong hem, I no blong kalja mo lanwis nomo, be blong spiritual koneksen tu.
“Hemi leftem-ap spirit blong mi, hemi alaoem mi blong stap long wan ples olsem Sydney mo wok blong wan ples olsem Welcome to Country. Thru long platform ia mifala save sharem kalja mo lanwij blong ol difren kantri, raon long Ostrelia. So blong mi, blong tekem lid long hemia hemi gud blong kontinu blong praktisim kalja blong mi mo lanwij blong mi. Mo mi save mekem hemia taem mi go bak long homples blong mi long ol fri taem blong mi.”
CEO blong Welkam long Kanntri, Desmond Campbell. Credit: Desmond Campbell.
Stories about the land
Mr. Campell hemi kontinu blong talem se spiritual koneksen wetem mama kraon hemi kam wetem ol storian we oli talem long hem taem hemi smol, ol storian we I tokbaot ol impoten samting long kastom mo kraon.
“Long Gurindji saet long famli blong mi, hemia long saet blong papa, hemi wan desert kantri. Ol animol oli difren, season tu hemi difren, mo ol storian tu oli difren, from long ol storian ia I gat ol lesen abaot ol taem blong hunt long ol difren season mo wanem yu save hunt, ol samting ia oli pat long ol storian ia, hemi ol lesen we yu save lanem, wan eksampol olsem taem yu pleple wetem faea long wan wrong taem bae bush faea I save happen mo yu save damejem ol bush, animol mo wael laef we hemi impoten.”
Bradley Hardy hemi wan praod Ngemba [[Neeya-M-ba]], Ualarai [[Yu-a-Laary-Eye]], Kooma mo Kamilaroi [[kamilla-Roy]] man, mo hemi wan custodian blong Brewarrina [[Bruh-WO-ruh-nuh]] Aborijinol fish trap, hemi stap long Barwon River.
Hemi talem se River hemi stap long blood blong hem mo hemi identity blong hem.
“Mi stap 700 mita north long fish traps, so mi stap long deep part blong wota ia. Mi wan man blong wota, mo blong river ia tu, mi wan black man blong kraon. River I stap long blood blong mi, river hemi identity blong mi mo blong komuniti blong mi, hemi pulum mifala I kam tugeta.”
Mr Hardy hemi kontinu blong talem ol storian mo histri blong hem, long wok blong hem long Brewarrina Aborijinol kaljarol Museum.
Bradley Hardy mo Brewarrina AboriJinol Fishing Traps. Credit: Bradley Hardy.
Understanding sacred site
Hemi se hemi duty blong hem blong helpem ol storian ia oli laef I stap mo pasem I go daon long ol yangfala we oli stap kam antap tumoro.
((AE_Land and Connection 08 ENG 00:24”))“Mi laki, from mi kroap wetem ol olfala, mo oli sharem wetem mi plante long ol save ia. Mo mi glad from mi tekem notis long ol samting we oli talem. Mo mi talemaot hemia long ol tour we mi stap mekem, mi lanem long ol olfala blong tijim ol yangfala, hemi wan cycle blong pasem save ia, mi tokbaot ol save taem mi mekem tour long fish traps mo long museum, ol tour ia I no abaotem mi be hemi blong kivim rispek long ol olfala mo sharem save ia wetem ol yangfala mo statem wan platfom blong sharem ol save blong histri long wol, hemi duty blong yumi blong mekem hemia.”
Olsem wan long ol olfala samting long wol we man I mekem, fishing trap oli mekem long ol ston we oli putum long wan U-shape mo long C-shape, hemi no blong kasem ol fis nomo be hemi blong alaoem samfala fis I pas mo kontinu wetem laef blong olgeta.
Mr. Bradley hemi se hemi wan tabu ples we plante man long ol komuniti oli stap kam tugeta.
Hemi wan tabu ples, yumi mas traem blong protektem. mifala I traem blong mekem sua se I no evriman i go insaet long ol fish trap. From hemi blong ol pipol blong mifala. So hemi duty blong mifala blong no talem ol storian blong hem nomo beh blong mekem sua se hemi kontinu blong stap mo mifala pasem I go long ol yangfala we oli stap kam andap.Bradley Hardy
Nasonal Park long ples we Aunty Deidre hemi wok long hem I gat plante tabu ples, ol kraon we I holem taem plante histri blong ol Fes Nesen pipol.
Hem tu hemi pointem aot se hemi impoten blong gat save ia blong ol ples olsem we yu save visitim, ol ples olsem ol tabu kraon blong ol man mo ol woman, we hemi spesifik long gender.
Fes Nesen Ostrelian oli yusum spia blong go lukaotem fis hemia long Cape York Queensland Ostrelia. Credit: Rafael Ben-Ari/Getty Images Credit: Rafael Ben-Ari/Getty Images
Be, taem yu kat kontak wetem ol lokol man ples long ol komuniti ples or taem yu mekem wan risej long ol samting hemi no abaotem rispek nomo beh hemi wan taem blong yu save kasem samfala impoten storian abaotem ol Fes Nesen pipol.
“Mo hemia hemi wanem we mifala wantem ol man blong kam lanem ol samting ia. Even sapos hemi fis trap o ol narafala samting blong histri long ol difren ples, mifala wantem ol pipol blong ko mo karem stret storian long histri, I no se yu riddim nomo be yu mas go luk. Olsem yu save, mifala wantem se yuk am luk mo eksperiensem mo karem semfala rispek tu.”
