Key Points
- Seksuel Vaelens hemi eni kaen seksuel aktiviti we oli no akri long hem mo oli mekem unda long fasen blong fos mo manipulatem wanfala man o woman.
- Seksuel Vaelens I save happen long wan fasen we I physical, psychological mo emotional. I save happen long real laef o onlaen.
- Ol tinktink blong mekem ol strong loa long samfala ples long Ostrelia I meanim se samfala man o woman we oli wantem engage long aktiviti ia oli mas karem wan consent long patna blonhg ol.
- Ostrelian Edukesen sistem I stap mekem samfala improvmen long Seksuel consent curriculum blong hem.
Long wan ripot blong Ostrelian Nasonal Domestik Famili mo Seksuel Vailens Kaonsel Sevis, weh oli save tu olsem 1800 RISPEK Helplaen, toktok ia seksuel vailens oli usum blong tokbaot eni seksuel aktiviti “we I mekem yu fraet o harem nogud”.
Antanit long Seksuel Vaelens yu gat ol rapis fasen olsem Seksuel assault, seksuel abuse, rape mo seksuel harassment. Toktok ia vaelens oli usum blong tokbaot ol rapis fasin weh oli save yusum blong kivim kil long bodi o even thru long ol sosel websaet onlaen.
Nasonal Ofis blong Ostrelian Statestiks long wan ripot we oli bin putum aot, oli talem se aot long faev Ostrelian woman, wan long olgeta hemi bin pas thru long seksuel vaelens stat long taem we hemi kasem 15 yia I kam.
Wan senia ofisa long Victoria Polis, Monique Kelley hemi lidim wan speselis team blong ol detektif we oli stap lukluk long ol seksuel vaelens kes. Hemi talem se seksuel assault hemi wan aksen we, yu traem blong gat seks wetem wan man o woman even sapos oli no akri long hem.
“Hemi taem we yu traem blong tajem wan praevet pat blong wan man o woman even sapos oli no akri o talem no long yu. Hemia long ril laef o thru long media tu, Hemia I no saet blong tajem bodi nomo beh ol narafala kaen fasen tu olsem sapos yu sharem ol praevet pikja blong wan man o woman.”
Seksuel vaelens I stap olsem wan crimiminal ofens. Long ol yia we I go finis, samfala ples mo stet long Ostrelia oli stap mekem jenis long ol loa blong mekem sua se olgeta we oli mekem fasin ia oli mas pruvum long kot se patna blong olgeta oli akri bifo oli gat seks.
Long average, i gat samples 85 seksual assaults we oli ripotem evri dei long Ostrelia. 90 per cent blong ol viktim-survivors oli no ripotem case blong olgeta long Polis. Source: Moment RF / Carol Yepes/Getty Images
“Yumi mekem sua se evriwan I mas save ol stret toktok blong expresem ol tinktink blong olgeta mo yumi mas mekem ol kaen toktok olsem I kam pat blong toktok blong ol. From hemi save helpem bigwan blong daonem ol rapis fasin, fulap taem taem yumi harem rape, yumi tinkbaot ol pikja blong wan man o woman we yumi no saveh long ol. Beh long reality fulap seksuel vaelens hemi happen bitwin ol pipol we yumi save long olgeta. Hemi happen long ol rilesensip, so hao nao bae yumi mekem sua se ol man oli stap gat ol sef mo consensual experiens we oli agri long hem?”
Sapos yu stap lukaotem sapot, yu save kontaktem 1800RESPECT, Lifeline long 13 11 14 o Beyond Blue long 1800 22 46 36
premieres 8:30pm Thursday 20 April on SBS and SBS On Demand. The three-part series continues weekly.
