Ostrelian senate I pasem finis wanfala legislesen we kavman blong Albanese I putum blong gat wan niufala Pasifik Engagement Visa.
Pasifik Engagement Visa ia bae I luk samples 3,000 man o woman blong ol kantri long Pasifik mo Timo-Leste bambae oli save migrate I kam long Ostrelia olsem ol permanent residence long evri yia.
Mifala harem ol rikwes blong ol Pasifik aelan lida blong gat mo koneksen wetem ol aelan kantri mo kivim ol pipol blong olgeta mo akses blong muv isi long regionMinista blong Foren Affea, Senata Hon. Penny Wong
CANBERRA, OSTRELIA - FEBRUARI 06: Minista blong Foren Afea mo semtaem Lida blong Kavman long Senate Penny Wong i stap ridim aot wan tribute blong Senator Jim Molan long manis blong Februari long namba 6 dei, blong yia ia 2023 hemia long Canberra, Ostrelia. (Photo by Martin Ollman/Getty Images) Credit: Martin Ollman/Getty Images
Wetem niufala visa ia bambae hemi kivim wan janis long ol man mo woman long Pasifik mo Timo-Leste blong kam stap, wok mo skul long Ostrelia – hemia blong strengthenem ol komunities blong yumi long Ostrelia, mo developem mo bildim-ap kaljarol, bisnis mo edukesen exchange bitwin Ostrelia mo ol kantri ia.
Legislesen ia bambae hemi help bigwan long saet blong stability, Sikuriti mo Prosperiti long region blong yumi mo hemi karem tugeta ol nid mo prioriti we I stap long nasonal intres blong Ostrelia mo tu blong PasifikMinista blong Imikresen, Sitisensip mo Multikaljarol Afea, Hon Andrew Giles MP
Minista blong Imikresen Andrew Giles hemi toktok long wan press konferens long Nixon Ripot long migresen hemia long Parliament Haus long Canberra, long Wenesdei, long manis blong Oktoba long namba 4 dei, blong yia ia 2023. (AAP Image/Mick Tsikas) NO ARCHIVING Source: AAP / MICK TSIKAS/AAPIMAGE
Prioriti oli kivim long ol kantri weh oli gat limited permanent migresen opotuniti i go long Ostrelia, o sitisensip raet long Niu Zealand, Franis mo Yunaeted Stets blong Amerika.
Ol kantri weh oli eligible anda long Pasifik Engagement Visa ia i gat Federated Stet blong Micronesia, Fiji, Kiribati, Nauru, Palau, Papua Niu Guinea, Marshall Is, Solomon Is, Timo-Leste, Tonga, Tuvalu mo Vanuatu.
Anda long niufala legislesen weh senate I pasem ia bambae I luk wan proses weh oli singaotem ‘pre-application ballot’ we ol man o woman we oli intres oli save expresem intres blong olgeta long wan aplikesen long websaet blong Ostrelian Dipatmen blong Hom Afea taem ballot ia I open long nekis yia, 2024. Sapos oli pasem ballot stej ia, bambae I gat sam narafala kriteria bakeken weh oli mas pasem, mo wan long ol kriteria ia hemi blong mas gat wan job offer long Ostrelia long taem blong aplikesen.
Wetem ballot sistem ia hemi mekem sua se yumi no tekem aot evri skill wokman long Pasifik beh yumi provaetem wan akses long prokram ia blong evri sitisen blong Pasifik mo Timor-LesteMinista blong Intanasonal Divelopmen mo Pasifik, Hon Pat Conroy
Source: AAP
Whoia I save Aplae from Visa ia?
Blong save aplae from Pacific Engagement Visa, yu mas mitim ol kriteria ia:
- Yu gat 18 - 45 yia blong go insaet long ballot ia
- Oli mas selektem aplikesen blong yu long Ballot Proses
- Yu/patna o spouse blong yu i mas gat wan job offer long Ostrelia
- Yu mas mitim wan Inglish lanwis, character mo helt check
- Holem wan valid paspot blong wan long ol kantri ia (Federated Stet blong Micronesia, Fiji, Kiribati, Nauru, Palau, Papua Niu Guinea, Marshall Is, Solomon Is, Timo-Leste, Tonga, Tuvalu mo Vanuatu)
- Yu o papa mo mama blong yu oli bon long wan long ol kantri ia
I gat plan tu I stap finis long senate blong mekem samfala jenis bakeken long loa ia blong kavman blong Ostrelia blong provaetem faenansel sapot blong olgeta weh oli kam anda long visa ia blong oli save skul, kasem ol neseseri trening bakeken mo blong statem wan famili long Ostrelia. Hemia hemi wan additional sapot antap long ol sevis weh ol permanent residence taem oli kasem Ostrelia oli save kasem, olsem access long Ostrelia helt kea mo ol pablik skul.
Kavman blong Ostrelia I stap luk fowad naoia blong openem prokram ia long 2024, taem evri narafala loa mo ol administresen arrangemen oli apruvum, inkludum tu Kavena Jenerol hemia long Federal Ekseketif Kaonsel.
Kavman I talem bigfala tok tankyu long ol memba blong parliament we oli engage long wan gudfala fasen blong sapotem tinktink ia. Beh Kavman I talem tu se oli harem nogud blong luk se olgeta long liberal mo National pati oli stil jus blong no lisen long ol prioriti blong Pasifik.
Ripot ia Ostrelian Dipatmen blong Foren Afea nao i provaedem mo Albert James long SBS i putum tugeta.
