Ostrelia I votem 'No' long Fes Nesen Vois long Parliament Referandem

Wan bigfala namba blong Ostrelian vota oli vot blong talem No mo rejektem tinktink blong gat fes nesen vois insaet long parliament. Hemia hemi fesfala referandem we i tekem ples long Ostrelia afta long wan period blong 24 yia.

Ballot papers are seen at a counting centre in Melbourne, Saturday, October 14, 2023. Australians will vote in a referendum on October 14 on whether to enshrine an Indigenous voice in the country's constitution. (AAP Image/Con Chronis) NO ARCHIVING Source: AAP / CON CHRONIS/AAPIMAGE

Key Points

Risal blong gat Indiginis Vois long Parliament referandem I kam wetem wan “No” vot.
Siks Stets mo long Northern Teritori oli rikotem wan ‘No’ vot, beh long ACT oli votem ‘Yes’.
Praem Minista Anthony Albanese hemi askem evri Ostrelian blong kam tugeta.

LISTEN TO

Bislama_Referandem Podcast mp3.mp3

04:42

Wan bigfala namba blong Ostrelian vota oli vot No blong rejektem tinktink blong gat fes nesen vois insaet long parliament.

Hemia hemi fesfala referandem weh oli gat long Ostrelia long wan 24 yia period.

'No' vot ia hemi lead long overal nasonal risal.

ACT hemi only ples long Ostrelia weh we rikod i showem se oli vot 'Yes'.

Praem Minista Anthony Albanese hemi talem se risal ia "hemi no definem yumi, mo bae i no save dividem yumi".

"naoia i stap long yumi wan wan blong mas kam tugeta mo faenem wan difrent wei blong faenem rod blong rikonsiliesen."

Ostrelian Praem Minista Anthony Albanese hemi kivim wan stetmen afta long risal blong Vois Referandem long Parliament Haos.

Lida blong Oposisen Peter Dutton, hemi askem kaontri blong kam tugeta, hemi se referandem hemi wan Samthing weh Ostrelia "i no wantem blong gat".

Hemi se "Tinktink mo proses ia oli mekem blong karem yumi ol Ostrelians blong kam tugeta, Beh i no blong dividem yumi,".

PETER DUTTON VOIS REFERANDEM ADDRESSEM PABLIK MO MEDIA

Lida blong Oposisen Peter Dutton mo Shadow Minista blong Indiginis Osstrelians, Seneta Jacinta Price, tufala i addressem ol memba blong media folem risal blong referandem vot. Source: AAP / JONO SEARLE/AAPIMAGE

Samfala Indiginis Ostrelians bambae oli stap taking wan "wik blong silense" folem risal blong referandem vote, beh i gat samnarafala wan oli stap lukluk finis long wanem weh bae i hapen afta.

Indiginis Ostrelians Minista mo 'Yes' advoket Linda Burney hemi se hemi confident se bae risal blong vot ia bae gat wan positive risal long Indiginis lida mo ol niu wan we bae oli kam yet.

main man bihaen long 'No' kampein ia Nyunggai Warren Mundine hemi se risal ia i showem aot se bigfala namba blong ol Ostrelians "oli wantem samthing i hapen" long ol isis we i stap afektem ol fes nesen indiginis komuniti.

"Pipol oli mas stop blong danem blind eye long ol violence, abuse, mo ol narafala rapis fasin we i stap hapen long ol Indiginis komuniti," hemi talem.

Stap inform oltaem long 2023 indigines vois I go long parliament referandem long SBS Netwok, hemia inklutum tu ol Fes Nesen tinktink mo storian long NITV.

Visitim

SBS Voice Referendum portal

blong gat akses long ol articles, videos mo podkas long ova 60 lanwis, o stream onlaen long ol leites nius mo analysis, docos mo ol entertainmen weh oli fri nomo, long

Voice Referendum hub on SBS On Demand

Storian ia Deborah Groarke mo Greg Dyett blong SBS News, tufala produsum mo Albert James blong SBS Bislama nao i presentem.

Published 15 October 2023 3:41pm

Updated 15 October 2023 4:31pm

By Deborah Groarke, Greg Dyett

Presented by Albert James

Source: SBS

Share this with family and friends