ግዙፉ የቴሌኮም አቅራቢ ድርጅት የሆነዉ ኢትዮ-ቴሌኮም 10 በመቶ ( 100 ሚሊዮን ) ድርሻዉን ለሕዝብ በይፋ መሸጥ መጀመሩ ጥቅምት 6 ቀን አስታውቋል።
የተቋሙ ዋና ሥራ አስፈፃሚ ፍሬሕይወት ታምሩ እንደተናገሩት ኢትዮጵያውያን የኢትዮቴሌኮም ባለድርሻ ለመሆን ዝቅተኛዉ 33 ድርሻ ዋጋዉ 9,900 ብር ከፍተኛው ደግሞ 3,333 ድርሻ ዋጋዉ 999,900 ብር እንደሆነ ታዉቋል።
"በመጀመሪያው ዙር የመደበኛ አክሲዮን ሽያጭ አጠቃላይ የሼር ድርሻ 100 ቢሊዮን ብር ፤ መደበኛ የአክሲዮን ሽያጭ የቀረበው 100 ሚሊዮን ዝቅተኛ መግዛት የሚቻለው የሼር መጠን 33 ሼር ሲሆን ይህን በገንዘብ ሲቀመጥ 9,900 ብር ይሆናል" ሲሉ ዋና ሥራ አስፈፃሚዋ ገልፀዋል ።
በተጨማሪም የአክሲዮን ሽያጩ በቴሌ ብር የሚፈፀም ሲሆን፤ ሽያጩ ከጥቅምት 6 እስከ ታሕሳስ 25 ይቆያል ተብሏል።
